## Trang 86 **ကြိယာ အဘိညာဏ်စိတ်၎င်း၊ ဝေါဋ္ဌပနဉ္စ – ဝုဋ္ဌောစိတ်၎င်း၊** **ဣတိ - ဤ ခြောက်ပါးသော စိတ်တို့သည်၊ သဗ္ဗထာပိ-အလုံး** စုံသော အပြားအားဖြင့်လည်း၊ **သဗ္ဗာရမ္မဏာနိ-အလုံးစုံသော** **အာရုံ ရှိကုန်၏။** ၁၃။ **အာရုပ္ပေသု-အာရုပ္ပစိတ်တို့တွင် ဒုတိယ စတုတ္ထာနိ-** **ဒုတိယ၊ စတုတ္ထ အာရုပ္ပစိတ်တို့သည်၊ မဟဂ္ဂတာရမ္မဏာနိ-** **မဟဂ္ဂုတ်တရားသာလျှင် အာရုံရှိကုန်၏။** ၁၄၊ **သေသာနိ - ကြွင်းကုန်သော၊ သဗ္ဗာနိပိ – အလုံးစုံ** လည်းဖြစ်ကုန်သော၊**မဟဂ္ဂတစိတ္တာနိ-မဟဂ္ဂုတ်စိတ်တို့သည်၊** **ပညတ္တာရမ္မဏာနိ- ပညတ်တရားသာလျှင် အာရုံရှိကုန်၏။** **၁၂။ ဉာဏသမ္ပယုတ္တကာမာဝစရ ကြိယာနိ စေဝ၊ ပေ၊ သဗ္ဗာရ** **မ္မဏာနိ ဉာဏသမ္ပယုတ် ကာမကြိယာဇော ၄ – ကြိယာ အဘိညာဉ်** စိတ် ၁-ဝုဋ္ဌောစိတ် ၁ – ဤ ၆ ပါးကား တစုံတစ်ခုကိုမျှ မကြဉ်ဘဲ အာရုံအား လုံးကို အာရုံပြုနိုင်၏။ ***သဗ္ဗတ္ထ ဆ" အရ ဖြစ်လတ္တံ့။*** ၁၃။ **အာရုပ္ပေသု၊ ပေ၊ မဟဂ္ဂတာရမ္မဏာနိ-ဒုတိယ အာရုပ္ပဟူသည်** ဝိညာဏဉ္စာယတနစိတ် ၃ ပါးတည်း၊ စတုတ္ထာရုပ္ပ ဟူသည် နေဝသညာ နာသညာယတနစိတ် ၃ ပါးတည်း၊ ဤ ၆ ပါးကား မဟဂ္ဂုတ် တရားကိုသာ အာရုံပြုသည်၊ ***"ဆစိတ္တာနိ မဟဂ္ဂတေ"*** အရ ဖြစ်လတ္တံ့၊ မည်သည့် မဟဂ္ဂုတ် ဖြစ်ကြောင်းကိုကား ဘုံပိုင်းကျမှ သိရလိမ့်မည်။ ၁၄။ **သေသာနိ၊ ပေ၊ ပညတ္တာရမ္မဏာနိ - မဟဂ္ဂုတ်စိတ် ၂၇ တွင်** ယခင် ၆ ပါးမှ တစ်ပါး ကျန် ၂၁ ကား ပညတ်တရားကိုသာ အာရုံပြုသည်၊ ***"ဧကဝိသတိ ဝေါဟာရေ"*** အရ ဖြစ်လတ္တံ့၊ မည်သည့် ပညတ်ကို အာရုံပြု ကြောင်းကား ကမ္မဋ္ဌာန်းပိုင်းကျမှ သိရလိမ့်မည်။ သင်္ဂဟ ၁၅။ **လောကုတ္တရစိတ္တာနိ – လောကုတ္တရာစိတ်တို့သည်၊** **နိဗ္ဗာနာရမ္မဏာနိ-နိဗ္ဗာန်တရားသာလျှင် အာရုံရှိကုန်၏၊ ဣတိ-** ဤကား အာရုံအပြားအားဖြင့် စိတ်တို့ကို ပေါင်းယူခြင်းတည်း။ ၁၆။ **ပဉ္စဝီသ- ၂၅ ပါးသော၊ စိတ္တာနိ–စိတ်တို့သည်၊** **ပရိတ္တမှိ-ကာမအာရုံ၌သာလျှင်၊ ဟောန္တိ−ကုန်၏၊ ဆ−** ၆ပါးကုန်သော၊ **စိတ္တာနိ–စိတ်တို့သည်၊ မဟဂ္ဂတေ-မဟဂ္ဂုတ်** **အာရုံ၌သာလျှင်၊ ဟောန္တိ-ဖြစ်ကုန်၏၊ ဧကဝိသတိ- ၂၁ ပါးသော၊** **စိတ္တာနိ – စိတ်တို့သည်၊ ဝေါဟာရေ – ပညတ်အာရုံ၌ သာလျှင်၊** **ဟောန္တိ-ဖြစ်ကုန်၏၊ အဋ္ဌ-၈ ပါးကုန်သော၊ စိတ္တာနိ-စိတ်တို့သည်၊ နိဗ္ဗာန** **ဂေါစရေ-နိဗ္ဗာန် အာရုံ၌သာလျှင်၊ ဟောန္တိ-ဖြစ်ကုန်၏။** ၁၅ နံပါတ်ကား ***"အဋ္ဌ နိဗ္ဗာနဂေါစရေ"*** အရ ဖြစ်လတ္တံ့။ ၁၆-၁၇။ သင်္ဂဟဂါထာ ရှေ့ ဂါထာကား ဧကန်အာရုံပြုသောစိတ်တို့ကို ပြသော သင်္ဂဟဂါထာ, နောက်ဂါထာကား အနေကန် အာရုံပြုသောစိတ်တို့ကို ပြသော သင်္ဂဟဂါထာ တည်း၊ ကာမ-မဟဂ္ဂုတ်—လောကုတ္တရာ-ပညတ် ဟု အာရုံ အမျိုးအစား ၄ ဘို ၄ စု ရှိရာ၊ တသ္မိံ တစုံကိုသာ အာရုံပြုသောစိတ်ကို ဧကန် အာရုံ ပြုသောစိတ် ဟု ဆိုသည်၊ ထို့ကြောင့် ပဌမဂါထာ၌ ***"ပရိတ္တမှိ" ကာမအာရုံ၌*** သာလျှင်" ဟု ဧဝသဒ္ဒါ၏အနက် "သာလျှင်" ဟု ထည့်စွက်လိုက်၏၊ တပါး သော အာရုံကိုအာရုံမပြု-ဟု ကန့်လေ၊ [ *ဧကန္တ'ဧက+အန္တ။ ဧက=တစ်ခု+ အန္တ=အပိုင်း အစု၊ ဝါ-ဧကန်*။] --- ## Trang 87 ၁၇။ တိံသ- ၃၀ သော၊ စိတ္တာနိ-စိတ်တို့သည်၊ အနုတ္တရမုတ္တ မှိ-လောကုတ္တရာ ၈ ပါးမှ လွတ်သော အလုံးစုံသော အာရုံ၌၊ ဟောန္တိ-ကုန်၏၊ ပဉ္စ – ငါးပါးကုန်သော၊ စိတ္တာနိ – စိတ်တို့သည်။ အဂ္ဂမဂ္ဂဖလုဇ္ဈိတေ – အရဟတ္တမဂ် အရဟတ္တဖိုလ်သည် ကြဉ် အပ်သော အလုံးစုံသော အာရုံ၌၊ ဟောန္တိ-ဖြစ်ကုန်၏၊ ဆ ̧-ခြောက် ပါးသော စိတ်တို့သည်ကား၊ သဗ္ဗတ္ထ – အလုံးစုံသော အာရုံ၌၊ ဟောန္တိ-ဖြစ်ကုန်၏၊ ဣတိ-ဤသို့၊ တသ္မိံ-ထို အာရမ္မဏ သင်္ဂဟ၌၊ သတ္တဓာ–ခုနစ်ပါး အပြားအားဖြင့်၊ သင်္ဂဟော – ပေါင်းယူ ရေ တွက်ခြင်းသည်၊ ဟောတိ-ဖြစ်၏။ [ ဧကန်သင်္ဂဟ ၎င်း-အနေကန် သင်္ဂဟ ၂ ကို "သတ္တဓာ" ဟု ဆိုသည်။ ] ၂ ဘို ၃ ဘို စသည်ကို အာရုံပြုသောစိတ်ကို အနေကန် အာရုံပြုသော စိတ်ဟု ဆိုသည်။ ပိသာနုတ္တရမုတ္တမှိ-၌ လောကုတ္တရာမှ တပါးသောအာရုံကို အာရုံပြုသည်ဟုဆိုလျှင် ကာမ မဟဂ္ဂုတ် ပညတ် ၃ မျိုးကိုအာရုံပြုနိုင်ကြောင်း သိသာပြီ၊ [အနေကန္တ'အနေက=များသော+အန္တ=အဘို အစု၊ ဝါ အနေကန်။ ] ပဉ္စဝီသ-ဆ-စသော သင်္ချာတို့၏ သင်္ချေယျ သရုပ်ကို ပါဠိ အကျယ်ကြည့်၍ ရေတွက်လေ။ လေ့ကျင့်ခန်း မေးခွန်းများ က။´ အဘယ်စကားရပ်ကို အာရမ္မဏ သင်္ဂဟ ဟု ခေါ်သနည်း။ ခ ။ ရူပ သဒ္ဒ ဂန္ဓ ရသ ဖေါဋ္ဌဗ္ဗာရုံတို့၏ တရားကိုယ်ကို ကောက်ပြပါ။ ဂ ။ ဓမ္မာရုံသည် မည်မျှပြားသနည်း၊ သင်္ဂြိုဟ်ထောက်၍ ရေတွက်ပါ။ ဃ။ စက္ခုဒွါရိကစိတ် ၄၆ ပါးသည် အဘယ် အာရုံကို အာရုံပြုသနည်း, သင်္ဂြိုဟ်အထောက်ပြပါ၊ င ။ သောတဒွါရိကစိတ် – ဃာနဒွါရိကစိတ် – ဇိဝှါဒွါရိကစိတ် – ကာယ ဒွါရိကစိတ် တို့သည် ဘယ်အာရုံကို အသီးအသီး အာရုံပြုကြသနည်း, အထောက်ပြပါ။ စ ။ မနောဒွါရိကစိတ် တို့သည် အဘယ် အာရုံကို အာရုံ ပြုကြသနည်း, အထောက်ပြပါ။ ဆ။ ပဋိသန္ဓေ ဘဝင် စုတိစိတ်တို့သည် ဘယ်အာရုံကို အာရုံပြုကြသနည်း, အထောက်ပြပါ။ ဇ ။ အာရုံ တမျိုးထည်းကိုသာ အာရုံပြုသော စိတ်တို့ မည်မျှ ရှိသနည်း, အထောက်ပြပါ။ ဈ ။ အာရုံ ၅ မျိုးကို အာရုံပြုသောစိတ် မည်မျှနည်း, အထောက်ပြပါ။ ည။ သင်္ဂဟ ၂ ဂါထာကို အနက်ပေးပြီးလျှင်, ပဌမဂါထာသည် ဘာကိုပြ၍ ဒုတိယဂါထာက ဘာကိုပြသည် ဟု ဖေါ်ပြပါ။ [ ဤအာရမ္မဏသင်္ဂဟသည် အဘိဓမ္မာဆိုင်ရာ၌ အသုံးအများဆုံးဖြစ်၏၊ ထို့ကြောင့် ပရိတ္တာရမ္မဏတိက် — အတီတာရမ္မဏတိက် – အဇ္ဈတ္တာရမ္မဏ တိက် စသော အာရုံပြုဆိုင်ရာ ညဝါ နေ့ဝါတို့၌ ကျေးဇူး များဘိုရာ ဆရာ စဉ်ဆက်တို့ ပို့ချရိုးဖြစ်သော ဧကန် အနေကန် အာရုံပြု အကျယ်ကိုလည်း ဆက်လက်၍ လေ့လာကြပါကုန်။ ] --- ## Trang 88 ဧကန်လင်္ကာ [ဆောင်] _ပဉ္စဝီ-ကာမ, ဆ-မဟဂ္ဂါ, ရှစ်ဖြာ-နိဗ္ဗာန်, နာမ်-တဆဲ့လေး, တေရသ-ရုပ်, 'ပစ္စုပ်-ထို့တူ. တိတ်မူ-ဆမှတ်, နာဂတ်-မရှိ, ဝိမုတ် – နှစ်ဆဲ့ကိုး, ( ရှေးရိုး ကျမ်းညီ, ) ဧကဝီ – ပညတ်, ပရမတ္ထ'နဝတိံသာ, ဆဓာ−အဇ္ဈတ်, ဗာယျဘ်-ဆဗ္ဗ, နှစ်စီ- ပဉ္စ, ဓမ္မ-သုံးဆဲ့ငါး, တပါး-ဌပိ, ဒွေးနှစ်လီတည်း, ငါးလီမှာ- သုံး, ဆဲ့နှစ်'သုံးပင်, (သီကုံး ချိုဧ,) ဆဲ့လေး'ကိုးလီ, ပဉ္စဝီ– သုံးတန်,ဧကန် ရှေးရှု, အာရုံပြုသည်, သောတုနောင်လာ မခဲတည်း။_ အနေကန်လင်္ကာ [ဆောင်] _မခဲစေရန်, အနေကန်ကို, အကျဉ်းဆိုအံ့, ပိုယိုကင်းပ, ကာမ မဟဂ္ဂုတ်, ဝိမုတ်-ပညတ်, ပရမတ်ဟု, ငါးရပ်တူလစ်, သုံးဆဲ့ တစ်စီ၊ ပစ္စုပ်-တိတ, နာဂတနှင့်. ဓမ္မ-ရုပ်-နာမ်, ခြောက်တန် ပေါင်းရုံး, လေး သုံးစီ၊ သုံးလီ အဇ္ဈတ်, စွဲလတ်မှီရောက် ငါးဆဲ့ ခြောက်မှန်၊ နိဗ္ဗာန်ဧက်ဒသ၊ ပဉ္စ၌ဝယ်, လေးဆယ်နှင့် ခြောက်, ရွေးကောက်စေမှု, ဥဒါန်းပြုသည် … . စေ့ငုဘန်ခါ ထပ်လဲတည်း။_ [နာမ်တဘို-ရုပ်တဘိုတွဲ၊ ဤတွင် တဘိုကိုသာအာရုံပြုလျှင် ဧကန်အာရုံ ပြသောစိတ်၊ နှစ်ဘိုလုံးကိုအာရုံပြုလျှင် အနေကန် အာရုံပြုသောစိတ်ဟုမှတ်၊ နောက်အတွဲများ၌လည်း ဤနည်းပင်၊ ပစ္စုပ္ပန်-အတိတ်-အနာဂတ်–ကာလ ဝိမုတ်-လေးဘိုတတွဲ၊ ပညတ်-ပရမတ်တတွဲ၊ အဇ္ဈတ္တ-ဗဟိဒ္ဓ-အဇ္ဈတ္တဗဟိဒ္ဓ- သုံးဘိုတတွဲ၊ ရူပါရုံ စသော အာရုံခြောက်ဘိုတတွဲ၊ တပါးအာရုံ – နှစ်ပါး အာရုံ ငါးပါးအာရုံ – ဆဲ့နှစ်ပါးအာရုံ − လေးပါးအာရုံ− နှစ်ဆဲ့တပါး အာရုံ တတွဲ။] လင်္ကာဖျား၏ အကျယ် အရကောက် [ဧကန် အခနကန် ယှဉ်တွဲ၍ရေးမည်၊ သင်္ချာကို လင်္ကာအတိုင်းသိ။] _ပဉ္စဝီကာမ – ဝိပါက်ကာမ, ပဉ္စဒ္ဒါရာ, ဝဇ္ဇနာတည့်, ဟသိတုပ္ပ, ပဉ္စဝီသံ, ကာမ မှန်, ဧကန် အာရုံပြု ။ ။ဟသိ ကြဉ်သော, ကာမဇော, ဝုဋ္ဌာ'ဘိညာစု. .ရံတခါတုံ, ကာမစုံ, အာရုံ သူတ္တိပြု၊၃၁_ _ဆ မဟဂ္ဂါ-မဟဂ္ဂုတ်မှာ, မြဲပြုလာ,ဝိညာ နေဝါခြေ၏ ။အနေကန်တဲ့, ယခင်ကွဲ့, သုံးဆဲ့တစ်ဟု ကောက်။_ _ရှစ်ဖြာနိဗ္ဗာန် – လောကုတ္တရံ, စိတ်ရှစ်တန်, နိဗ္ဗာန် ဧကန်ရောက်။ သမ္ပယုတ်ဆို, ကုသိုလ်မဟာ, ကြိယာနှင့်, ဘိညာ ဝုဋ္ဌာ, ဆဲ့တစ် `ဟော, မှတ်လော နေကန်လှောက်။_ _နာမ် တဆဲ့လေး – ဝိညာ နေဝါ, လောကုတ္တာ, နာမ်မှာ တဆဲ့လေး။ ။ ယင်းက ဧကန်,အနေကန်တုံ, တဒါရုံနှော, ကာမဇော, ဝုဋ္ဌာ ဘိညာဒွေး။_ _တေရသရုပ် – ပဉ္စဝိညာ, မနောဓာ, ရုပ်သာ ဧကန်ရွေး ။ ။အနေကန်တဲ့, နာမ်လိုကွဲ့, လေးဆဲ့သုံးပါးရေး။၄၃_ _ပစ္စုပ် ထို့တူ စသည် - ပစ္စုပ် ဧကန်, ရုပ်တူ ကြံလော, တီတံ အတွက်, မဟဂ္ဂုတ်မျိုး, (မရှိရိုးမှတ်,နာဂတ် ဧကန်, ) သုံးမျိုးဆံ, နေကန် နာမ်သို့ တွေး။_ _ဝိမုတ်နှစ်ဆဲ့ကိုး-ကာလဝိမုတ်, ဧကန်ထုတ်က, ရူပ-အာကာ, အာကိဉ်ပါ့, ရှစ်ဖြာ လောကုတ်ရေး။_ _ဧကဝီပညတ် – ပညတ်ကိုမျှ, ဧကန္တကား, ပဲ - အာကာ, အာကိဉ်ပါ, ပေါင်းကာ ဧက်ဝီသေး။ - ။ဝိမုတ် – ပညတ်, ပရမတ်တို့, မှတ်ဘို နေကန်, ကာမထံ, နည်းခံ အပ်လေသေး။_ --- ## Trang 89 ပရမတ္ထနဝတိသာ — ကာမ မဟဂ္ဂီ, မြတ် နိဗ္ဗာန်, ဧကန် စိတ်စုတွေး။ ပရမတ်, ဧကန်တဲ့, သုံးဆဲ့ကိုးပါးရေး။ ဆဓာအဇ္ဈတ် — အဇ္ဈတ်ဧကန်, မဟဂ္ဂံ, နည်းခံ ယူမနှေး။ ။ကာမစိတ် တွင်, အဘိညာဉ်, ထည့်လျှင် နေကန်ရေး။ ဗာယျဘ်ဆဋ္ဌ- ဗဟိဒ္ဓမှန်, ဧကန် ဟူက, ရူပ အာကာ, လောကုတ္တရာ, ခြောက်ဖြာ နှစ်ဆယ်ရေး။ ။အနေကန်မူ, အဇ္ဈတ်တူ, နည်းယူ မှန် မဝေး။ [နတ္ထိဘော ပညတ် ဟူသည် ပဌမာရုပ္ပဝိညာဏ် ဟူသော အဇ္ဈတ္တ တရား၏ မရှိခြင်း အဘာဝ ပညတ် ဖြစ်သောကြောင့် အဇ္ဈတ္တ သက်သက် လည်း မဟုတ်, ဗဟိဒ္ဓ စစ်စစ်လည်း မဟုတ်ရကား ၎င်းနတ္ထိဘောပညတ်ကို အာရုံ ပြုသော အာကိဉ္စညာယတနစိတ် ၃ ပါးသည် အဇ္ဈတ္တကို အာရုံ ပြုသော စိတ်တွင်လည်း မပါ, ဗဟိဒ္ဓကို အာရုံပြုသော စိတ်တွင်လည်း မပါ, အဇ္ဈတ္တာရမ္မဏ တိက်မုတ်သာ ဖြစ်မည်။] နှစ်စီပဉ္စ-ရူပ သဒ္ဒ, ဂန္ဓ ရသာ, ဖေါဋ္ဌဗ္ဗာ, ငါးဖြာ အာရုံ ရေး။ စက္ခု သောတ, ဃာန ဇိဝှါ, ကာယပါ, စဉ်ကာ ဝိညာဏ်ဒွေး။ ။ နှစ်စီ . ဧကန်, အနေကန်ဟော, နာမ် သဘောတွင်, မနောဓာတ် တဲ့, ထည့်လေကွဲ့, လေးဆဲ့ခြောက် ဟု တွေး။ ဓမ္မ'သုံးဆဲ့ငါး-ဓမ္မာရုံတွက်, ဧကန် ထွက်က, မဟဂ္ဂုတ်ဝယ်, လောကုတ် ဆွယ်, သုံးဆယ် ငါးပါး တွေး။ ။အနေကန်မူ, နာမ် နည်းတူ, မှတ်ယူ အပ်လေသေး။ တပါးဌပိ…တပါးစီပြ, ဧကန္တ, ပဉ္စဝိညာဏ်ဒွေး။ ။အာကာ-အာကိဉ်- ခြောက်ခုချိန်, ဝိညာ-နေဝါလေး။ ။ကြိယာပစ်, လောကုတ်ရှစ်, ပေါင်းစစ် ဌပိသေး။ ဒွေးနှစ်လီ-ဝိညာနေဝါ, ကြိယာ,နှစ်ဖြာ ဧကန်ရေး၊ [ဝိညာဏဉ္စာယတန ကြိယာစိတ်, နေဝသညာနာသညာယတနကြိယာစိတ် ၂ ပါးကား အာကာသာနဉ္စာယတနကုသိုလ် ကြိယာနှင့် အာကိဉ္စညာယတန ကုသိုလ်ကြိယာနှစ်ပါးစီကို အာရုံပြုသည်။] ငါးလီမှာသုံး-မနောဓာတ်ဟု, ဤသုံးခု, ငါးခုဧကန်တွေး၊ [ ရူပါရုံစသော အာရုံငါးပါးကို အာရုံပြုသည် ဟူလို။] ဆဲ့နှစ် သုံးပင်-ပဉ္စမဈာန်, ရူပမှန်, ဧကန်ဆဲ့နှစ်ပေး။ ဆဲ့လေးကိုးလီ-ဒု-တ-စတုတ္ထ, ယင်းရှုပံ, ဧကန်တဆဲ့လေး။ ပဉ္စဝီ သုံးတန်-နှစ်ဆဲ့ ငါးတန်, ပြုဧကန်, ဈာန်ပဌမ တေး၊ [ "တတ္ထာပိ ဒသကသိဏာနိ"စသော ကမ္မဋ္ဌာန်းပိုင်းကို ကြည့်လေ။] ၎င်းတို့၏ အဓိပ္ပါယ်မှာ လွန်စွာကျယ်ဝန်း၍၎င်း အချိန်ရောက်က အလို အလျောက် သိနိုင်သောကြောင့်၎င်း မရေးတော့ပြီ၊ ထို့ပြင် အလေးအမြတ် ပြုအပ်သော အာရုံ-အလေးအမြတ် ပြုတတ်သော စိတ်များလည်း ရှိသေး၏၊ ၎င်းတို့ဆိုင်ရာ အာရမ္မဏာဓိပတိ ပစ္စည်းအဖွင့် ဘာသာဋီကာ၌ ဆိုထားပြီး စေတသိက် ကို ဧရတွက်ခြင်း။ ။ အပ္ပမညာသည် ရူပါရုံ အစရှိသော အာရုံငါးပါးကို မပြု-ပညတ်ဓမ္မာရုံကိုသာ အာရုံပြုရှကား ရူပါရုံကို အာရုံ ပြုသော စေတသိက် ၅၀ တည်း၊ သဒ္ဒ ဂန္ဓ ရသ ဖေါဋ္ဌဗ္ဗာရုံတို့၌ ၎င်းနည်းပင်၊ ဓမ္မာရုံကိုကား စေတသိက် ၅၂ ပါးလုံးက အာရုံပြု၏၊ အဇ္ဈတ္တ စသည်ကို အာရုံပြုရာ၌ကား, [ဆောင်] ငါးဆဲ့နှစ်ခု, စေတသိက်စုတွင်, အကုသလ ဓမ္မာ, လောကီ သာတည်း၊ ဣဿာပမဉ်, ပယ်ကြဉ်အဇ္ဈ လောကဖြစ်ဘိ, ဝိရတိမူ, ဝီတိက္ကမိတဗ္ဗ, သမုတ်ရသည့်, ကာမ−နာမ် – ရုံ, --- ## Trang 90 ပစ္စုပ်မြဲမှတ်, စွဲမှီကပ်၏၊ နောက်ထပ် ဝိရတီ, လောကုတ် သည်ကား, ရွှေပြည်ခေမာ, အပ္ပမာဏ, ကာလဝိမုတ်,ဖွင့် ထုတ်လေအပ်၊ ပညတ် ပမညာ, ဝိမုတ္တာဟု, အာရုံပြုလျှင်း၊ ကြွင်းလေသမျှ, တေတ္တိံသမှာ, ဘယ်ဟာတခု, အာရုံစုကို မပြု မရှိလေဘူးတည်း။ အကုသလာ, လောကီသာတည်း -- အကုသိုလ် စေတသိက်တို့ကား ( အကုသိုလ်စိတ် နှင့် တူစွာ ) လောကီ အာရုံကိုသာ အာရုံပြုကြသည်၊ လောကုတ္တရာကို မပြု။ ဣဿာ ပမဉ်, ပယ်ကြဉ်အဇ္ဈ … ဣဿာနှင့် အပ္ပမညာသည် အဇ္ဈတ္တကို (မိမိသန္တာန်ရှိ တရားကို) အာရုံ မပြု။ လောကဖြစ်ဘိ၊ ပေ ၊ စွဲမှီကပ်၏- လောကီဝိရတိ ၃ ပါးသည် "ဝီတိက္ကမိ တဗ္ဗဝတ္ထု" ဟု ခေါ်ဝေါ်သမုတ်အပ်သော ကာမစိတ်-စေတသိက်ဟူသော နာမ်တရားနှင့် ရုပ်တရားများကို အာရုံပြု၏၊ ထို တရားများလည်း ပစ္စုပ္ပန်သာ, အနာဂတ် မဟုတ်။ နောက်ထပ်ဝိရတိ ၊ ပေ ၊ ကာလ ဝိမုတ်--- လောကုတ္တရာ ဝိရတိကား နိဗ္ဗာန်ဟူသော ကာလဝိမုတ် အပ္ပမာဏတရားကို အာရုံပြုသည်။ ပညတ်ပမညာ, ဝိမုတ္တာဟု—အပ္ပမညာလည်း ကာလဝိမုတ် ဖြစ်သော သတ္တာပညတ်ကို အာရုံပြုသည်။ ဤ သရုပ်ထုတ်ပြခဲ့သော _စေတသိက်များမှ_ ကြွင်းသော စေတသိက် ပေါင်း ၃၃ ကား ဘယ်အာရုံမျိုးမဆို အာရုံ ပြုနိုင်ကြသည်-ဟူလို။ [မာတိကာ အကောက်၌ ကျေးဇူးများ၏, သတိထားခဲ့ပါ၊ ရှေးဆရာများက "မစ္ဆရိယ သည် ဗဟိဒ္ဓကို အာရုံ မပြု၊ လောကီ ဝိရတိသည် အနာဂတ်ကိုလည်း အာရုံပြု၏"ဟု ဆိုကြသေး၏၊ ဤကျမ်း၏အဆိုကို ထိုစေတသိက်များ၏အဖွင့် ဘာသာဋီကာတွင် ကြည့်လေ။] က။ လေ့ကျင့်ခန်း မေးခွန်းများ " ပဉ္စဝီသ ပရိတ္တမှိ " အရ ကာမတရားကို ဧကန် အာရုံပြုသောစိတ် မည်မျှနည်း, သင်္ဂြိုဟ် အကျယ် ပါဠိကိုထောက်၍ ကောက်ပြပါ။ ခ ။ ကာမ တရားကို အနေကန် အာရုံပြုသောစိတ် မည်မျှနည်း, လင်္ကာ သံပေါက်ကို ထောက်၍ ကောက်ပြပါ။ [ မာတိကာ၌ ပရိတ္တာရမ္မဏ ပုဒ်အရ ဖြစ်လတ္တံ့။] ဂ ။ " ဆ စိတ္တာနိ မဟဂ္ဂတေ " အရ မဟဂ္ဂုတ်ကို ဧကန်အာရုံပြုသောစိတ် မည်မျှနည်း, သင်္ဂြိုဟ်အကျယ် ပါဠိထောက်၍ ကောက်ပြပါ။ ဃ။ မဟဂ္ဂုတ်တရားကို အနေကန် အာရုံပြုသောစိတ် မည်မျှနည်း, လင်္ကာ သံပေါက်ကို ထောက်၍ ကောက်ပြပါ။ [မဟဂ္ဂတာရမ္မဏပုဒ် - အရ ဖြစ်လတ္တံ့။ ] င ။ " ဧကဝိသတိ ဝေါဟာရေ" အရ ပညတ်ကို ဧကန်အာရုံပြုသောစိတ် မည်မျှရှိသနည်း, သင်္ဂြိုဟ် အကျယ်ပါဠိထောက်၍ ကောက်ပြပါ။ စ ။ ပညတ်ကို အနေကန် အာရုံပြုသောစိတ် မည်မျှနည်း, လင်္ကာသံပေါက် ထောက်၍ ကောက်ပြပါ။ [ပရိတ္တာရမ္မဏ တိက်မုတ်-အရ ဖြစ်လတ္တံ့။] ဆ။ " အဋ္ဌ နိဗ္ဗာနဂေါစရေ " အရ နိဗ္ဗာန်ကို ဧကန်အာရုံပြုသောစိတ် မည်မျှ ရှိသနည်း, သင်္ဂြိုဟ်ထောက်၍ ကောက်ပြပါ။ ဇ ။ နိဗ္ဗာန်ကို အနေကန် အာရုံပြုသောစိတ် မည်မျှနည်း, လင်္ကာသံပေါက် ထောက်၍ ကောက်ပြပါ။ [အပ္ပမာဏာရမ္မဏပုဒ်- အရ ဖြစ်လတ္တံ့။] ဌ ။ အတိတ်တရားကို ဧကန် အာရုံပြုသောစိတ်, အနေကန် အာရုံပြုသော - စိတ်တို့ မည်မျှစီ ရှိသနည်း, လင်္ကာသံပေါက်ထောက်၍ သရုပ်ကောက် ပြပါ။ [အတီတာရမ္မဏပုဒ်-အရ ဖြစ်လတ္တံ့။ ] ---