## Trang 41 ဝီရိယ ဆန္ဒ တို့တည်း။ ] လောကုတ္တရာစိတ် အချို့၌သာ ယှဉ်နိုင်သော စေတသိက် များအတွက် ( အကျယ်ချဲ့ပြမှ သိသာမည် ဖြစ်သောကြောင့် ) စိတ်အကျယ် သင်္ချာကို ပြသည်။ [ဝိတက် ဝိစာရ ပီတိ တို့တည်း။] ဆသတ္တိ စသော သင်္ချာတို့၏ သင်္ချေယျ ( သရုပ် ) ကို အကျယ် စုတ္တိယ ကြည့်၍ ရေတွက်လေ။ သမ္ပယောဂနည်း ၇။ ။ သဗ္ဗစိတ္တသာဓာရဏ စေတသိက်တို့၏ ယှဉ်ပုံ ယှဉ်ဟန်က တနည်း, ဝိတက်စသော ပကိဏ်းစေတသိက် ၆ ပါးတို့၏ ယှဉ်ပုံ ယှဉ်ဟန်က အသီး အသီး ၆ နည်း ဖြစ်၍ အညသမာန်း စေတသိက်စုအတွက် သမ္ပယောဂနည်း ၇ နည်း ရှိသည် ဟု မှတ်။ ### လေ့ကျင့်ခန်းမေးခွန်းများ **က။** တေသံစိတ္တာ ဝိယုတ္တာနံ — ဂါထာသည် ဘာကိုပြသော ဂါထာနည်း, ထိုဂါထာကို အနက်ပေးပါ။ **ခ။** အဘယ်နည်းမျိုးကို သမ္ပယောဂနည်းဟု ခေါ်သနည်း။ **ဂ။** သတ္တသဗ္ဗတ္ထယုဇ္ဇန္တိ — ဂါထာသည် ဘာကို ပြသော ဂါထာနည်း, ထိုဂါထာကို အနက်ပေးပါ။ **ဃ။** သဗ္ဗစိတ္တသာဓာရဏ စေတသိက်တို့သည် မည်မျှလောက်သော စိတ်၌ ယှဉ်သနည်း။ **င။** ဝိတက်သည် မည်မျှလောက်သော စိတ်၌ ယှဉ်သနည်း, ပါဠိကိုရွတ်ပြပါ။ [ဝိစာရ စသော ၅ ပါးကိုလည်း မေးလေ။] **စ။** တေပနစိတ္တုပ္ပါဒါ စသော စကားများကို အဘယ်သို့ နာမည် ခေါ်သနည်း, အနက်ပေးပါ။ **ဆ။** ရွှေဂါထာက ဘာကို ပြ၍, နောက် ဂါထာက ဘာကို ပြသနည်း။ ### နိဿယနှင့်အဓိပ္ပါယ် **ဇ။** ရွှေဂါထာလာ ဆသတ္တိ စသော သင်္ချာတို့၏ သင်္ချေယျ (သရုပ်)ကို ရေတွက်ပြပါ။ [ ၁ - ၂ - ၃ စသော အရေအတွက်ကို သင်္ချာ ဟု ခေါ်၏, ထိုသို့ ရေတွက်အပ်သော သရုပ်ကို သင်္ချေယျ ဟု ခေါ်သည်။ ] **ဈ။** နောက် ဂါထာလာ ပဉ္စပညာသ စသော သင်္ချာတို့၏ သင်္ချေယျကို ရေတွက်ပြပါ။ **ည။** အညသမာန်းစေတသိက်၏ သမ္ပယောဂနည်း မည်မျှ ရှိသနည်း။ ### စက်လှည့်ခွဲပုံ **ဋ။** ဝိတက်၏ ယှဉ်ရာသာ ဖြစ်၍ ဝိစာရ၏ ယှဉ်ရာ မဟုတ်သောစိတ် ရှိသလော။ **ဌ။** ဝိစာရ၏ ယှဉ်ရာသာ ဖြစ်၍ ဝိတက်၏ ယှဉ်ရာ မဟုတ်သောစိတ် မည်မျှ ရှိသနည်း။ **ဍ။** ဝိတက် ဝိစာရ နှစ်ပါးစုံ ယှဉ်ရာစိတ်ကား မည်မျှနည်း။ **ဎ။** နှစ်ပါးစုံ ယှဉ်ရာ မဟုတ်သော စိတ်ကား မည်မျှနည်း။ [ဤနည်းအတိုင်း ဝိတက်ကို မူတည်, အဓိမောက္ခကို မူလီသွတ်၍ ခွဲ, ထိုနောက် ဝိစာရစသည်ကို မူတည်, အဓိမောက္ခ စသည်ကို မူလီသွတ်လျက် လေးချက်လှည့်၍ ခွဲပြလေ၊ စာသင်သားတို့ ဉာဏ်မှာ သိပ်ရှုပ်ပုံရလျှင်လည်း ခွဲမပေးနှင့်, နောင်အခါ အလိုအလျောက် နားလည်လာလိမ့်မည်။] အညသမာန်း သမ္ပယောဂနည်း ပြီး၏။ --- ## Trang 42 ### အကုသိုလ်စေတသိက် သမ္ပယောဂနည်း **၁။** ပန — အဘို့ တပါးကား၊ အကုသလေ သမ္ပယောဂနည်း၌ — အကုသိုလ် စေတသိက် တို့တွင်၊ မောဟော — မောဟ၎င်း၊ အဟိရိကံ — ၎င်း၊ အနောတ္တပ္ပံ — ၎င်း၊ ဥဒ္ဓစ္စံ — ၎င်း၊ ဣတိ — ဤသို့၊ စတ္တာရော — လေးပါးကုန်သော၊ ဣမေ စေတသိကာ — ဤ စေတသိက်တို့သည်၊ သဗ္ဗာကုသလ သာဓာရဏာ နာမ — အလုံးစုံသော အကုသိုလ်စိတ် တို့နှင့် ဆက်ဆံသော စေတသိက်တို့ မည်၏၊ [သဗ္ဗေသုပိ — အလုံးစုံလည်း ဖြစ်ကုန်သော၊ ဒွါဒသာကုသလေသု — တဆယ့်နှစ်ပါးသော အကုသိုလ်စိတ်တို့၌၊ လဗ္ဘန္တိ — ရအပ်ကုန်၏။] **၂။** လောဘော — လောဘကို၊ အဋ္ဌသု — ရှစ်ပါးကုန်သော၊ လောဘသဟဂတ စိတ္တေသွေဝ — လောဘသဟဂုတ် စိတ်တို့၌ သာလျှင်၊ လဗ္ဘတိ — ရအပ်၏။ **၃။** ဒိဋ္ဌိ — ဒိဋ္ဌိကို၊ စတူသု — လေးပါးကုန်သော၊ ဒိဋ္ဌိဂတ သမ္ပယုတ္တေသု ဧဝ — ဒိဋ္ဌိဂတ သမ္ပယုတ် စိတ် တို့၌ သာလျှင်၊ (လဗ္ဘတိ — ၏။) ဧဝသဒ္ဒါနှင့် လဗ္ဘတိကို ဝါကျတိုင်းလိုက်။ **၄။** မာနော — မာနကို၊ စတူသု — ကုန်သော၊ ဒိဋ္ဌိဂတဝိပ္ပယုတ္တေသုဧဝ — ဒိဋ္ဌိဂတ ဝိပ္ပယုတ်စိတ်တို့၌သာလျှင်၊ လဗ္ဘတိ — ၏။ **၅။** ဒေါသော — ဒေါသ၎င်း၊ ဣဿာ — ၎င်း၊ မစ္ဆရိယံ — ၎င်း၊ ကုက္ကုစ္စဉ္စ — ၎င်း၊ ဣတိ — ဤ စေတသိက်တို့ကို၊ ဒွိသု — နှစ်ပါးကုန်သော၊ ပဋိဃသမ္ပယုတ္တစိတ္တေသွေဝ — ပဋိဃ သမ္ပယုတ်စိတ် တို့၌သာလျှင်၊ (လဗ္ဘန္တိ — ကုန်၏။) **၆။** ထိနမိဒ္ဓံ — ထိနမိဒ္ဓကို၊ ပဉ္စသု — ငါးပါးကုန်သော၊ သသင်္ခါရိက စိတ္တေသွေဝ — သသင်္ခါရိက စိတ်တို့၌ သာလျှင်၊ (လဗ္ဘတိ — ၏။) **၇။** ဝိစိကိစ္ဆာ — ဝိစိကိစ္ဆာကို၊ ဝိစိကိစ္ဆာသဟဂတ စိတ္တေယေဝ — ဝိစိကိစ္ဆာသဟဂုတ် စိတ်၌သာလျှင်၊ (လဗ္ဘတိ — ၏။) ### သင်္ဂဟဂါထာ စတ္တာရော — လေးပါးသော စေတသိက်တို့သည်၊ သဗ္ဗာပုညေသု — အလုံးစုံသော အကုသိုလ်စိတ် တို့၌၊ ဂတာ — ဖြစ်ကုန်၏၊ တယော — သုံးပါးသော စေတသိက်တို့သည်၊ လောဘမူလေ — လောဘမူ စိတ်၌သာလျှင်၊ ဂတာ — ကုန်၏။ စတ္တာရော — လေးပါးသော စေတသိက်တို့သည်၊ ဒေါသမူလေသု — ဒေါသမူစိတ်တို့၌သာလျှင်၊ ဂတာ — ကုန်၏၊ ဒွယံ — ထိနမိဒ္ဓနှစ်ပါးအပေါင်းသည်၊ သသင်္ခါရေ — သသင်္ခါရိကစိတ် ငါးပါး၌သာလျှင်၊ ဂတံ — ၏၊ တထာ — ထိုမှတပါး၊ ဝိစိကိစ္ဆာ — ဝိစိကိစ္ဆာ စေတသိက်သည်၊ ဝိစိကိစ္ဆာသဟဂတစိတ္တေ စ — ဝိစိကိစ္ဆာသဟဂုတ်စိတ်၌ သာလျှင်၊ ဂတာ — ဖြစ်၏၊ ဣတိ — ဤသို့၊ စတုဒ္ဒသ — တဆယ့်လေးပါးသော အကုသိုလ် စေတသိက်တို့သည်၊ ဒွါဒသာကုသလေသွေဝ — တဆယ့်နှစ်ပါးသော အကုသိုလ် စိတ်တို့၌သာလျှင်၊ ပဉ္စဓာ — ငါးပါးအပြားအားဖြင့်၊ သမ္ပယုဇ္ဇန္တိ — ယှဉ်ကုန်၏။ [အကုသိုလ်စေတသိက်သမ္ပယောဂနည်း။ ။ မည်သည့်စေတသိက်က မည်သည့်စိတ်၌ ယှဉ်ကြောင်းမှာ ပါဠိသွားဖြင့် ထင်ရှားပြီ။] > သင်္ဂဟဂါထာ။ ။ သဗ္ဗာပုညေသု စတ္တာရော စသည်၌ စတ္တာရော စသော သင်္ချာတို့၏ သင်္ချေယျကို စုတ္တိယ အကျယ်ကြည့်၍ ကောက်ပြလေ။ --- ## Trang 43 ### အကုသိုလ်စေတသိက်များ၏ သမ္ပယောဂနည်း သမ္ပယုဇ္ဇန္တိ ပဉ္စဓာ။ ။ ပါဌ်ဖြင့် အကုသိုလ် စေတသိက်တို့၏ သမ္ပယောဂနည်း ၅ နည်း ရှိသည်ဟု ပြသည်။ **၁။** သဗ္ဗာပုညေသု စတ္တာရော — အရ သမ္ပယောဂနည်း တနည်း။ **၂။** လောဘမူလေ တယော ဂတာ — အရ တနည်း။ > [လောဘသည် လောဘမူစိတ် ၈ ပါးလုံး၌ ယှဉ်၏၊ ဒိဋ္ဌိသည် လောဘမူ သမ္ပယုတ် ၄ ၌သာ ယှဉ်၏၊ မာနသည် လောဘမူ ဝိပ္ပယုတ် ၄ ၌သာ ယှဉ်၏။ ဤသို့ ယှဉ်ပုံမတူသော်လည်း ယှဉ်ရာစိတ်မှာ လောဘမူစိတ်ချည်းသာဖြစ်၍ သမ္ပယောဂ တနည်းတည်း ဟု ကျမ်းဆရာ ယူထားသည်။] **၃။** ဒေါသမူလေသု စတ္တာရော — အရ တနည်း။ **၄။** သသင်္ခါရေ ဒွယံ — အရ တနည်း။ **၅။** ဝိစိကိစ္ဆာ ဝိစိကိစ္ဆာသဟဂတစိတ္တေ — အရ တနည်း။ ဤသို့ သမ္ပယောဂနည်း ၅ နည်း ရှိသည်။ ### လေ့ကျင့်ခန်းမေးခွန်းများ **က။** သဗ္ဗာပုညေသု စတ္တာရော စသည်ကို ဘာ ဂါထာ ခေါ်သနည်း, အနက်ပေးပါ။ **ခ။** စတ္တာရော — အရ သရုပ်ကောက်၍ ဆိုင်ရာ ပါဠိ အကျယ်ကို ရွတ်ပါ။ **ဂ။** တယော — အရ သရုပ်ဖောက်၍ ပါဠိအကျယ်ကို ရွတ်ပြပါ။ **ဃ။** ဒေါသမူလေသု စတ္တာရော — အရ သရုပ်ကောက်၍ ပါဠိ အကျယ်ကို ရွတ်ပါ။ **င။** သသင်္ခါရေ ဒွယံ — သရုပ်ကောက်၍ ပါဠိ အကျယ်ကို ရွတ်ပါ။ **စ။** အကုသိုလ် စေတသိက်တို့၏ သမ္ပယောဂ ၅ နည်းကို ရေတွက်ပါ။ ### စက်လှည့်ခွဲပုံ **ဆ။** မောဟ၏ ယှဉ်ရာသာဖြစ်၍ လောဘ၏ ယှဉ်ရာ မဟုတ်သော စိတ် မည်မျှနည်း။ **ဇ။** လောဘ၏ ယှဉ်ရာသာဖြစ်၍ မောဟ၏ ယှဉ်ရာ မဟုတ်သော စိတ် ရှိသလော။ **ဈ။** နှစ်ပါးစုံယှဉ်ရာ မဟုတ်သောစိတ် မည်မျှနည်း, သရုပ်ရေတွက်ပါ။ > [ဤနည်းအတိုင်း မောဟကို မူတည်ကာ ဒိဋ္ဌိ မာန မှစ၍ ဝိစိကိစ္ဆာ တိုင်အောင် မူလီသွတ်၊ ထိုနောက် လောဘ စသည်ကို မူတည်၍ ဒိဋ္ဌိ စသည်ကို မူလီသွတ်၍ ခွဲ၊ ယှဉ်ရာ စိတ်ချင်း တူနေလျှင် ထပ်၍ မူတည်ခြင်း, မူလီသွတ်ခြင်း မပြနှင့်၊ ဥပမာ — မောဟကို မူတည်လျှင် အဟိရိက စသည်ကို မူလီမသွတ်နှင့် ထပ်၍လည်း မူတည်မနေနှင့်, ဒေါသကို မူလီသွင်းပြီးလျှင် ဣဿာမစ္ဆရိယ ကုက္ကုစ္စကို ထပ်၍ မူလီမသွတ်နှင့်, ထပ်၍မူလီသွတ်သော်လည်း သရုပ်အရ ထူးတော့မည် မဟုတ်။] အကုသိုလ် စေတသိက်များ၏ သမ္ပယောဂနည်း ပြီး၏။ --- ## Trang 44 ### သောဘနစေတသိက် သမ္ပယောဂနည်း **၁။** ပန — အဘို့ တပါးကား၊ သောဘနေသု — သောဘန စေတသိက် တို့တွင်၊ တာဝ — ဝိရတိ စသည်တို့မှ ရှေးဦးစွာ၊ (နိဋ္ဌိတာ — ကုန်သော၊) သောဘန သာဓာရဏာ — သောဘန သာဓာရဏ မည်ကုန်သော၊ ဧကူနဝီသတိ — တခုယုတ်နှစ်ဆယ်သော၊ ဣမေ စေတသိကာ — ဤ စေတသိက်တို့သည်၊ သဗ္ဗေသုပိ — အလုံးစုံလည်း ဖြစ်ကုန်သော၊ ဧကူနသဋ္ဌိသောဘန စိတ္တေသု — တခုယုတ် ခြောက်ဆယ်သော သောဘနစိတ်တို့၌၊ သံဝိဇ္ဇန္တိ — ရှိကုန်၏၊ (ယှဉ်ကုန်၏ — ဟူလို။) **၂။** ပန — ကား၊ တိဿော — သုံးပါးလည်း ဖြစ်ကုန်သော၊ ဝိရတိယော — ဝိရတိ စေတသိက်တို့ကို၊ လောကုတ္တရစိတ္တေသု — လောကုတ္တရာစိတ်တို့၌၊ သဗ္ဗထာပိ — ဒုစရိုက် ဒုရာဇီဝ, ဟူသမျှကို, တစုံမချန်, ပယ်လှန် ရှောင်ရှား အလုံးစုံသော အပြားအားဖြင့်၊ နိယတာ — အမြဲ ယှဉ်ကုန်လျက်၊ ဧကတောဝ — တပြိုင်နက်ထည်း ပင်လျှင်၊ လဗ္ဘန္တိ — ရအပ်ကုန်၏။ **၁။** သောဘန သာဓာရဏ စေတသိက် ၁၉ သည် သောဘနစိတ် အကျဉ်းတခုယုတ် ၆၀ (အကျယ် ၉၁) ၌ ယှဉ်၏။ **၂။** ဝိရတိယော။ ပေ။ လဗ္ဘန္တိ — ဝိရတိစေတသိက် ၃ ပါးတို့သည် လောကုတ္တရာစိတ်တို့၌ ယှဉ်ရာဝယ်... (သဗ္ဗထာပိ — ဖြင့် ကာယ ဒုစရိုက် ဝစီဒုစရိုက် ဒုရာဇီဝ ဟူသမျှတို့မှ အကုန်အစဉ် ရှောင်ကြဉ်သောအားဖြင့် ယှဉ်ပုံကိုပြ၏။) > [သတ် ဖြတ် ခိုး ဝှက်ခြင်း စသည်ကို ပြုလျက် မတရား အသက်မွေးမှုကို "ဒုရာဇီဝ" ဟု ခေါ်၏။] ပန — ကား၊ လောကိယေသု — လောကီစိတ်တို့တွင်၊ ကာမာဝစရ ကုသလေသွေဝ — ကာမာဝစရ ကုသိုလ်စိတ်တို့၌သာလျှင်၊ ကဒါစိ — ဒုစရိုက်, ဒုရာဇီဝတို့မှ ရှောင်ကြဉ်ခိုက်သာ တရံတခါ၌၊ ဝိသုံ ဝိသုံ — သုံးပါးမတွဲ တကွဲတပြား သီးခြား၍ သီးခြား၍၊ ဝတ္တန္တိ — ဖြစ်ကုန်၏၊ (ယှဉ်ကုန်၏။) (နိယတာ — ဖြင့် လောကုတ္တရာစိတ် ဖြစ်တိုင်း ဖြစ်တိုင်း အမြဲယှဉ်လျက် ပါသည်ဟု ပြ၏။) (ဧကတောဝ — ဖြင့် သမ္မာဝါစာ သမ္မာကမ္မန္တ သမ္မာအာဇီဝ ၃ ပါးလုံး တပြိုင်နက် အတူတကွ ယှဉ်ကြသည် ဟု ပြသည်၊ သဗ္ဗထာပိ ဧကတောဝ တို့၏ ထူးခြားပုံကို ဘာသာဋီကာ၌ ဆိုထားပြီ။) > **ဆောင်။** သဗ္ဗထာပိ-သဒ္ဒါရှိက, ဒုစရိစုံ, ကုန်သိမ်းခြုံ၍, ရှောင်ပုံကိုမျှ ဓိပ္ပါယ်ပြ၏, တကွယှဉ်ပုံ, မပြတုံခဲ့၊ ဧကတော-က, သဘောပြမှာ, တကွစုံယှဉ်, ကုန်မကြဉ်သည် ယူအင် ဤသို့ ကွဲသတည်း။ လောကိယေသု ပန၊ ပေ၊ ဝိသုံ ဝိသုံ — လောကီစိတ်တို့တွင်ကား ကာမာဝစရကုသိုလ်စိတ်၌သာ ဝိရတိ ယှဉ်သည်၊ ထိုသို့ ယှဉ်ရာဝယ် ကဒါစိ — ဒုစရိုက် ဒုရာဇီဝတို့မှ ရှောင်ကြဉ်ရာ တရံတခါသာ ယှဉ်သည်။ [လောကုတ္တရာစိတ်၌ကဲ့သို့ မြဲမယှဉ် ဟု ရွှေဝါကျက "နိယတာ" ကို စောင်းသော စကားတည်း။] ထို့ကြောင့် ဘုရားဖူး တရားနာ စသည်ဖြင့် မဟာကုသိုလ်စိတ်တွေ ဖြစ်နေသော်လည်း ရှောင်ကြဉ်မှု သဘော မပါ, ရှောင်ကြဉ်စရာ ဒုစရိုက် မရှိသောကြောင့် ဝိရတိစေတသိက်များ ယှဉ်လျက် မပါချေ။ ဝိသုံ ဝိသုံ — ထိုသို့ တရံတခါ ယှဉ်ပြန်ပါလည်း အသီးအသီး တပါးစီ တပါးစီသာ ယှဉ်သည်၊ ဝစီ ဒုစရိုက်မှ ရှောင်ကြဉ်၍ သမ္မာဝါစာ ယှဉ်ခိုက် သမ္မာကမ္မန္တ သမ္မာအာဇီဝတို့ မယှဉ်၊ ကာယဒုစရိုက်မှ ရှောင်ကြဉ်၍ သမ္မာကမ္မန္တ ယှဉ်ခိုက်, ကျန်နှစ်ပါး မယှဉ်။ မိစ္ဆာဇီဝမှ ရှောင်ကြဉ်၍ သမ္မာအာဇီဝ ယှဉ်ခိုက်, ကျန်နှစ်ပါးမယှဉ် ဟူလို။ [လောကုတ္တရာစိတ်၌ကဲ့သို့ တပြိုင်နက် တပေါင်းထည်း မယှဉ်နိုင်ဟု ရှေးဝါကျက "ဧကတော" ကို စောင်းသည်၊ ဤ ၂ နံပါတ် ဝါကျအရ ဝိရတိ ၃ ပါးသည် လောကုတ္တရာစိတ် ၈, မဟာကုသိုလ် ၈, ပေါင်း ၁၆ ပါးသော စိတ်၌ ယှဉ်၏ ဟု မှတ်ခဲ့ပါ။] --- ## Trang 45 **၃။** ပန — ကား။ အပ္ပမညာယော — အပ္ပမညာစေတသိက် တို့သည်၊ ဒွါဒသသု — တဆယ့်နှစ်ပါးကုန်သော၊ ပဉ္စမဇ္ဈာနဝဇ္ဇိတ မဟဂ္ဂတ စိတ္တေသု စေဝ — ပဉ္စမဈာန်စိတ်သည် ကြဉ်အပ်သော မဟဂ္ဂုတ်စိတ် တို့၎င်း၊ ကာမာဝစရ ကုသလေသု စ — ကာမာဝစရ ကုသိုလ်စိတ်တို့၎င်း၊ သဟေတုက ကာမာဝစရကြိယ စိတ္တေသု စ — သဟိတ် ကာမာဝစရ ကြိယာစိတ်တို့၎င်း၊ ဣတိ — ဤသို့၊ အဋ္ဌဝီသတိ စိတ္တေသွေဝ — ၂၈ ပါးသော စိတ်တို့၌သာလျှင်၊ ကဒါစိ — သတွာပညတ်ကို အာရုံပြု၍ သနားမှု, ဝမ်းမြောက်မှု ဖြစ်ရာ တရံတခါ၌၊ နာနာ — ၂ ပါး မတွဲ, တကွဲတပြား အသီးအခြားတို့သည်၊ ဟုတွာ — ဖြစ်ကုန်၍၊ ဇာယန္တိ — ဖြစ်ကုန်၏။ **၃။** အပ္ပမညာယော ပန၊ ပေ၊ ဟုတွာ ဇာယန္တိ — အပ္ပမညာ စေတသိက် ၂ သည် ပဉ္စမဈာန်စိတ်ကြဉ် မဟဂ္ဂုတ် ၁၂ ပါး, မဟာကုသိုလ် ၈, မဟာကြိယာ ၈, ပေါင်း ၂၈ ပါးသောစိတ်၌ ယှဉ်သည်၊ ထိုသို့ ယှဉ်ရာဝယ်, ကဒါစိ — သတွာပညတ်ကို အာရုံပြု၍ သနားမှု-ဝမ်းမြောက်မှု ဖြစ်သည့်အခါသာ ယှဉ်၏။ "ဘုရားစသည့်ကို အာရုံပြုသည့်အခါ မယှဉ်နိုင်" ဟူလို။ နာနာ — ထိုကဲ့သို့ တရံတခါ ယှဉ်ပြန်ပါလည်း နှစ်ပါးစုံ၍ မယှဉ်နိုင်, တသီးတခြား တပါးစီ ယှဉ်သည်၊ "ဒုက္ခိတသတွာကို အာရုံပြု၍ သနားမှု ဖြစ်သည့်အခါ ကရုဏာယှဉ်၍, မုဒိတာ မယှဉ်၊ သုခိတသတွာကို အာရုံပြု၍ ဝမ်းမြောက်မှုဖြစ်သည့်အခါ မုဒိတာသာယှဉ်၍, ကရုဏာ မယှဉ် ဟူလို။" ### ကေစိဝါဒ ပန — ဝါဒအထူး မိန့်ဆိုဦးအံ့၊ တေသု — ၂၈ ပါးသော စိတ်တို့တွင်၊ ဥပေက္ခာ သဟဂတေသု — ဥပေက္ခာ သဟဂုတ် ၈ ပါးတို့၌၊ ကရုဏာ မုဒိတာ — ကရုဏာ မုဒိတာ စေတသိက်တို့သည်၊ န သန္တိ — မရှိကုန်၊ ဣတိ — ဤသို့၊ ကေစိ — အချို့ဆရာတို့သည်၊ ဝဒန္တိ — ဆိုကြကုန်၏။ > [အချို့ဆရာတို့ကား "ထို ၂၈ ပါးတွင် မဟာကုသိုလ် ဥပေက္ခာသဟဂုတ် ၄, မဟာကြိယာ ဥပေက္ခာသဟဂုတ် ၄, ပေါင်း ၈ ပါး၌ ကရုဏာ မုဒိတာ မယှဉ်ထိုက်" ဟု ဆိုကြ၏၊ ထိုဝါဒကို ဘာသာဋီကာ၌ စိစစ်ထားသည်၊ ကျက်မှတ်နှင့်ရန်ကား......] > **ဆောင်။** လေ့လာပြီးသား, ကျမ်းဂန်များကို, မထားသတိ, ချွတ်နိုင်ဘိသို့, မုဒိတာ ကရုဏာ, ဘာဝနာ၏, အပ္ပနာ ရှေ့တန်း, ကမ္မဋ္ဌာန်း၌, စီးဖြန်းဝါးဝ, အသားကျက, သောမနဿ ဥပေက္ခာ, လှည့်၍ ဖြစ်ကြောင်း, ရှိစကောင်းမို့, ၎င်းဝါဒ, ကေစိပြ, အောက်ချထေရ်ရှင် မိန့်သတည်း။ **၄။** ပန — ကား၊ ပညာ — ပညာစေတသိက်သည်၊ ဒွါဒသသု — ၁၂ ပါးကုန်သော၊ ဉာဏသမ္ပယုတ္တ ကာမာဝစရ စိတ္တေသွေဝ — ဉာဏသမ္ပယုတ် ကာမာဝစရစိတ်တို့၎င်း၊ သဗ္ဗေသုပိ — အလုံးစုံလည်းဖြစ်ကုန်သော၊ ပဉ္စတ္တိံသ မဟဂ္ဂတလောကုတ္တရ... **၄။** ပညာ၊ ပေ၊ သမ္ပယောဂံ ဂစ္ဆတိ — ပညာစေတသိက်သည် ဉာဏသမ္ပယုတ် ကာမာဝစရစိတ် ၁၂, မဟဂ္ဂုတ်လောကုတ္တရာစိတ် ၃၅, ပေါင်း...