## Trang 126

၂။ တထာ – ထိုမှတပါး၊ သုဂတိယံ-သုဂတိဘုံ၌၊ <mark>ဉာဏ</mark>သမ္ပယုတ္တဝိပါကာနီစ - <mark>ဉာဏ</mark>သမ္ပယုတ် ဝိပါက်စိတ်တို့ကိုလည်း၊ <mark>နလဗ္ဘန္တိ</mark>-မရအပ်ကုန်။

၃။ ပန-ကား၊ ဒုဂ္ဂတိယံ-ဒုဂ္ဂတိဘုံ၌၊ <mark>ဉာဏ</mark>ဝိပ္ပယုတ္တာနိ-<mark>ဉာဏ</mark>ဝိပ္ပယုတ် ဖြစ်ကုန်သော၊ မဟာဝိပါကာနိစ-မဟာဝိပါက်စိတ်တို့ကိုလည်း၊ <mark>နလဗ္ဘန္တိ</mark>-မရအပ်ကုန်။

၎င်းပုဂ္ဂိုလ် ၃ ယောက်သည် ထို ဘဝအတွက် ဈာန် မဂ် ဖိုလ်ကိုရဘို့ရန် မျှော်လင့်ချက် မရှိရ၊ [ မဟဂ္ဂုတ်ဝိပါက်များကား (ဒွါရဝိမုတ်) ဝီထိမုတ် ဖြစ်၍ဤ ဝီထိခဏ်းနှင့်မဆိုင်။ ]

၂။ တထာ <mark>ဉာဏ</mark>၊ပေ၊သုဂတိယံ-သုဂတိဘုံ၌ ထို ၃ ယောက်တွင်သုဂတိအဟိတ်နှင့် ဒွိဟိတ် ၂ ယောက်သာဖြစ်ခွင့်ရှိ၏၊ ထို့ကြောင့် ထိုပုဂ္ဂိုလ် ၂ယောက် သန္တာန်၌ (ယခင်စိတ်များအပြင် မဟာဝိပါက် <mark>ဉာဏ</mark>သမ္ပယုတ်၄ ကို ထပ်၍နှုတ်) ၄၁ ပါးသော စိတ်များသာ ရနိုင်သည်၊ ၄၁ ပါးကားအသောဘနစိတ် ၃ဝ တွင် ဟသိတုပ္ပါဒ်ကြဉ် ၂၉, <mark>မဟာကုသိုလ် ၈</mark>, မဟာဝိပါက်<mark>ဉာဏ</mark>ဝိပ္ပယုတ် ၄ တည်း။

> [ဆောင်] သု ဒွိ-ပုဂ္ဂလော, စိတ်ရဟောကား, အသောဘန – သုံးဆယ်
> မှလျှင်, ဟသိကြဉ်မှ, မဟာကု ရှစ်, ဝိပါက်စစ်တွေး, <mark>ဉာဏ်</mark>
> ဝိပ်လေး, မှတ်ရေး လေးဆဲ့တစ်ပါးတည်း။

၃။ ဒုဂ္ဂတိယံ၊ပေ၊မဟာဝိပါကာနိစ-ဒုဂ္ဂတိဘုံ၌ ပဋိသန္ဓေနေသူကားဒုဂ္ဂတိအဟိတ်ပုဂ္ဂိုလ်တည်း၊ ထိုပုဂ္ဂိုလ်သန္တာန်၌ မဟာဝိပါက် <mark>ဉာဏ</mark>ဝိပ္ပယုတ်၄ ပါးလည်းမရ၊ ထို့ကြောင့် ယခင် ၄၁ ပါးတွင် ၄ ပါးထပ်နှုတ်, ၃၇ ပါးသာ ရသည်။

နိဿယနှင့်အဓိပ္ပါယ်

၂၄၃

၄၊ တိဟေတုကေသုစ - တိဟိတ်ပုဂ္ဂိုလ် ၉ ယောက်တို့တွင်ကား၊ ခီဏာသဝါနံ-ရဟန္တာပုဂ္ဂိုလ်တို့၏ (သန္တာန်၌)၊ကုသလာကုသလဇဝနာနိ - ကုသိုလ် အကုသိုလ်ဇောတို့ကို၊<mark>နလဗ္ဘန္တိ</mark>-မရအပ်ကုန်။

> [ဆောင်] ဒု-ပုဂ္ဂလော, စိတ်ရ ဟောလျှင်, ယခင် လေးဆယ်, တစ်ပါး
> ကယ်မှ, လေးသွယ်ဝိပါက်, <mark>ဉာဏ်</mark>ဝိပ်ဖျက်, မှတ်ချက် သုံးဆဲ့
> ခုနစ်တည်း။

၄။ တိဟေကေသု၊ပေ၊<mark>နလဗ္ဘန္တိ</mark> – အလောဘ အဒေါသ အမောဟဟိတ်သုံးပါးရှိသော မဟာဝိပါက် <mark>ဉာဏ</mark>သမ္ပယုတ်, သို့မဟုတ် မဟဂ္ဂုတ်ဝိပါက်စိတ်ဖြင့် ပဋိသန္ဓေနေသူကို "တိဟိတ်ပုဂ္ဂိုလ်" ဟု ခေါ်၏။ ထိုတိဟိတ်ကား<mark>ပုထုဇဉ်</mark> ၁, အရိယာ ၈ အားဖြင့် ၉ ယောက်ရှိ၏၊ ထိုတွင် ရဟန္တာသန္တာန်၌ကုသိုလ် ၂၁, အကုသိုလ် ၁၂ မရထိုက်၊ အကုသိုလ်ကို အားလုံးပင် ပယ်ခဲ့ပြီ၊ကုသိုလ်ဖြစ်ရမည့်အရာ၌ ကြိယာစိတ်များသာဖြစ်၏။

ထို့ကြောင့် ဝီထိစိတ် <mark>၈ဝ</mark> တွင် ၃၃ ကြဉ် ၄၇ ဖြစ်၏၊ နောက်၌"လောကုတ္တရဇဝနာနိစ ယထာသကံ အရိယာနမေဝ သမုပ္ပဇ္ဇန္တိ"ဟု ဆိုလတံ့ဖြစ်သောကြောင့် အရိယာ ၁ ပါးလျှင် ကိုယ့်ဆိုင်ရာ လောကုတ္တရာစိတ်တစ်ပါးသာ <mark>ရှိနိုင်</mark>ရကား, ယခင် ၄၇ တွင် အောက်ဖိုလ် ၃ ပါးကြဉ်, ၄၄ ပါးသာရနိုင်၏၊ ၄၄ ပါး သရုပ်ကား အဟိတ် <mark>၁၈</mark>, မဟာဝိပါက် မဟာကြိယာ ၁၆,မဟဂ္ဂုတ်ကြိယာ ၉, အရဟတ္တဖိုလ် ၁ တည်း။

> [ဆောင်] အရဟံ တိဟိတ်, ရသည့်စိတ်ကား, အဟိတ်မဟာ – ဝိပါကြိ
> မဟဂ်ကြိုဆို, အရဟတ္တဖိုလ်, <mark>မှတ်သိုလေးဆဲ့</mark>လေးပါးတည်း။

---

## Trang 127

၅။ တထာ-ထိုမှတပါး၊ သေက္ခပုထုဇ္ဇနာနံ-သေက္ခပုဂ္ဂိုလ်နှင့် <mark>ပုထုဇဉ်</mark>ပုဂ္ဂိုလ်တို့၏ (သန္တာန်၌)၊ ကြိယဇဝနာနိ-ကြိယာဇောတို့ကို၊ <mark>နလဗ္ဘန္တိ</mark>-မရအပ်ကုန်။

၆။ သေက္ခာနံ-သေက္ခပုဂ္ဂိုလ်တို့၏ (သန္တာန်၌)၊ ဒိဋ္ဌိဂတသမ္ပယုတ္တ<mark>ဝိစိကိစ္ဆာ</mark>ဇဝနာနိစ- ဒိဋ္ဌိဂတသမ္ပယုတ်နှင့် <mark>ဝိစိကိစ္ဆာ</mark>ဇောတို့ကိုလည်း၊ <mark>နလဗ္ဘန္တိ</mark>-မရအပ်ကုန်။

၂၄၄

၅။ တထာ သေက္ခ၊ပေ၊ကြိယဇဝနာနိ- သေက္ခပုဂ္ဂိုလ်အရ အောက်ဖလဋ္ဌပုဂ္ဂိုလ် ၃ ယောက်ကိုသာယူ၊ ဖလဋ္ဌပုဂ္ဂိုလ်များ သန္တာန်၌ မိမိဆိုင်ရာမဂ်စိတ် ၁ ပါးစီသာ ရ၏၊ ပုထုဇ္ဇနာနံ-ဟု သာမညဆိုသော်လည်း တိဟိတ်<mark>ပုထုဇဉ်</mark>ကိုယူ၊ ၍ တိဟိတ်<mark>ပုထုဇဉ်</mark>နှင့် သေက္ခ ၃ ယောက်သန္တာန်၌ ကြိယာဇော ၁၀ ပါးလုံး မရထိုက်၊ တိဟိတ်<mark>ပုထုဇဉ်</mark>၌ လောကုတ္တရာ ၈ ပါးလည်းမရထိုက်၊ ထို့ကြောင့် တိဟိတ်ပုထုဇဉ်၌ <mark>ဟသိတုပ္ပါဒ်</mark>ကြဉ် အသောဘန ၂၉-မဟာကုသိုလ် မဟာဝိပါက် ၁၆, မဟဂ္ဂုတ် ကုသိုလ် ၉, ပေါင်း ၅၄ ပါးရသည်။

> [ဆောင်] တိဟိတ်ပုဂ္ဂလော, စိတ်ရဟောကား, အသောဘန,
> သုံးဆယ်မှလျှင်, ဟသိကြဉ်ခွါ, မဟာဟုဆို, ကုသိုလ်ဝိပါက်,
> ဆဲ့ခြောက်ချက်နှင့်, မဂ်ကုကိုး, ဖြစ်ကြမျိုး, မှတ်ရိုးငါးဆဲ့
> လေးပါးတည်း။

၆။ ဒိဋ္ဌိဂတ၊ပေ၊သေက္ခာနံ-အောက်ဖလဋ္ဌသေက္ခ ၃ ယောက်သန္တာန်၌ကြိယာဇောများအပြင် ဒိဋ္ဌိဂတသမ္ပယုတ်စိတ် ၄, <mark>ဝိစိကိစ္ဆာ</mark> သဟဂုတ်စိတ်များလည်းမရထိုက်၊ ထို့ကြောင့် တိဟိတ်<mark>ပုထုဇဉ်</mark>၌ ရထိုက်သောစိတ် ၅၄ ပါးတွင် ဤ ၅ ပါးကို ထပ်၍ ကြဉ်ပြီးလျှင် မိမိဖိုလ်စိတ် ၁ ကို ထပ်၍ ထည့်သော်,သောတာပတ္တိဖလဋ္ဌနှင့် သကဒါဂါမိဖလဋ္ဌ ပုဂ္ဂိုလ် ၂ မျိုးလုံး၏ စိတ်ရ ၅ဝ ဖြစ်သည်။ [အနာဂါမ်အတွက် ထပ်၍ ကြဉ်ဦးလတံ့။]

> [ဆောင်] သကဒါဂါမ်, သောတာပန် ဟု, နှစ်တန် ပုဂ္ဂလော, စိတ်ရ
> ဟောလျှင်, ယခင်ငါးဆယ်, လေးပါးကယ်မှ, ငါးသွယ်ဒိဋ္ဌိ'
> ဝိစိသဟဂုတ်, ပယ်ကြဉ် နှုတ်ဘိ, ကိုယ့်ဖိုလ်ထည့်, မှတ်သိ
> ငါးဆယ် နှင်းနှင်းတည်း။

နိဿယနှင့်အဓိပ္ပါယ်

၂၄၅

၇။ <mark>အနာဂါမိပုဂ္ဂလာနံ</mark>ပန-အနာဂါမ်ပုဂ္ဂိုလ်တို့၏ (သန္တာန်၌)ကား၊ ပဋိဃဇဝနာနိစ – ဒေါသမူဇောတို့ကိုလည်း၊ နလဗ္ဘန္တိ-မရအပ်ကုန်။

၈။ လောကုတ္တရဇဝနာနိစ – လောကုတ္တရာဇောတို့သည်ကား၊ ယထာသကံ-မိမိဥစ္စာအားလျော်စွာ၊ အရိယာနမေဝ—အရိယာပုဂ္ဂိုလ်တို့၏ (သန္တာန်၌) သာလျှင်၊ သမုပ္ပဇ္ဇန္တိ-ကောင်းစွာ ဖြစ်ကုန်၏။

၇။ အနာဂါမိ၊ပေ၊ပဋိဃဇဝနာနိ-အနာဂါမ်ပုဂ္ဂိုလ်၏သန္တာန်၌ကား ယခင် ၅ဝ တွင် ဒေါသမူဇောကိုထပ်နှုတ်, သောတာပတ္တိဖိုလ်အရာ၌အနာဂါမိဖိုလ်စိတ်ကို လဲ၍ထည့်, <mark>၄၈</mark> ပါးသော စိတ်များ ရ၏။

> [ဆောင်] အနာဂါမ် ပုဂ္ဂလော, စိတ်ရ ဟောလျှင်, ယခင် ငါးဆယ်,
> ဒေါသမူ ပယ်၍, လဲလှယ် ကိုယ့်ဖိုလ်, ထည့်သိပ်သိုလ်, မှတ်လို
> လေးဆယ့် ရှစ်ပါးတည်း။

၈။ လောကုတ္တရဇဝနာ၊ပေ၊သမုပ္ပဇ္ဇန္တိ — သောတာပတ္တိ မဂ္ဂဋ္ဌပုဂ္ဂိုလ်၌ မိမိဥစ္စာဖြစ်သော သောတာပတ္တိမဂ်ဇော ဖြစ်၏၊ သောတာပတ္တိဖလဋ္ဌပုဂ္ဂိုလ်သန္တာန်၌ မိမိဥစ္စာ ဖြစ်သော သောတာပတ္တိဖိုလ်ဇော ဖြစ်၏၊ဤသို့စသည်ဖြင့် <mark>အရိယာ ၈</mark> ယောက်တို့သန္တာန်၌ မိမိဥစ္စာဖြစ်သော လောကုတ္တရာဇောများ စောကြသည်-ဟူလို။

---

## Trang 128

ဣတိ-ဤတွင် ပုဂ္ဂလဘေဒ အပြီးတည်း။

### <mark>၉။</mark> သင်္ဂဟဂါထာ

အသေက္ခာနံ-ရဟန္တာပုဂ္ဂိုလ်တို့၏ (သန္တာန်၌)၊သမ္ဘဝါ-ဖြစ်သင့်သည်အားလျော်စွာ၊ စတုစတ္တာလီသ-လေးဆဲ့လေးပါးသော ဝီထိစိတ်ကို၊ ဥဒ္ဒိသေ-ညွှန်ပြရာ၏၊

သေက္ခာနံ – သေက္ခပုဂ္ဂိုလ်တို့၏ (သန္တာန်၌)၊ ဆပ္ပညာသ-ငါးဆဲ့ခြောက်ပါးသော ဝီထိစိတ်ကို၊ သမ္ဘဝါ-ဖြစ်သင့်သည်အားလျော်စွာ၊ ဥဒ္ဒိသေ-ညွှန်ပြရာ၏၊

[ သင်္ဂြိုဟ်ပါဠိ၌ ယထာရဟံ — ဟု ရှိသော်လည်း အဖွင့် ဋီကာများကို ၎င်းကမ္မဋ္ဌာန်းပိုင်း၌ လာမည့် "ယထာသက ဖလဝသေန သာဓာရဏာဝ"ဟူသောပါဌ်ကို၎င်း ထောက်၍ "ယထာသကံ"ဟု ပြင်လိုက်သည်။ ]

<mark>၉။</mark> သင်္ဂဟဂါထာ

အသေက္ခာနံ စတုစတ္တာလီသ — အသေက္ခပုဂ္ဂိုလ်သန္တာန်၌ စိတ်ပေါင်း၄၄ ပါး ရနိုင်၏။ သို့သော် "သမ္ဘဝါ"ဟု ဆိုသောကြောင့် ၄၄ ပါးလုံးဖြစ်သင့်မှဖြစ်ရမည်, မဖြစ်သင့်လျှင်မဖြစ်ရ၊ မဟဂ္ဂုတ်ဈာန် ၉ ပါးလုံးကိုရသော ရဟန္တာသန္တာန်၌သာ ၄၄ ပါးဖြစ်သင့်သည်၊ မဟဂ္ဂုတ်ဈာန် မရလျှင် (၁ ပါးမရလျှင်၁ ပါးအတွက်, ၂ ပါးမရလျှင် ၂ ပါးအတွက်စသည် လျှော့၍ ၉ ပါးလုံး မရလျှင်) ၃၅ ပါးသာ ဖြစ်သင့်သည်။

သေက္ခာနံ ဆပ္ပညာသ-ဤဆပ္ပညာသကား သေက္ခပုဂ္ဂိုလ် ၇ ယောက်လုံး အတွက် ပေါင်း၍ ပြသော သင်္ချာတည်း၊ သောတာပတ္တိဖလဋ္ဌ ပုဂ္ဂိုလ်အတွက် ပြခဲ့သော ၅ဝ ၌ မဂ်စိတ် ၄ ပါးနှင့် သကဒါဂါမိ ဖိုလ်စိတ် အနာဂါမိဖိုလ်စိတ်ကို ထပ်၍ထည့်လျှင် ၅၆ ပါးဖြစ်၏၊ သမ္ဘဝါ-ဟု ဆိုသောကြောင့်သောတာပတ္တိ မဂ္ဂဋ္ဌပုဂ္ဂိုလ်၌ ရထိုက်သောစိတ် (သောတာပတ္တိမဂ်စိတ် ၁)

သောတာပတ္တိ ဖလဋ္ဌပုဂ္ဂိုလ်၌ ရထိုက်သောစိတ် ၅၀, ဤသို့စသည်ဖြင့်၎င်း ဈာန်မရသော သောတာပတ္တိ ဖလဋ္ဌပုဂ္ဂိုလ်ဖြစ်လျှင် မဟဂ္ဂုတ်ကုသိုလ် ၉ နှုတ်၍ ၄ဝ,ဤသို့ စသည်ဖြင့်၎င်း ခွဲရာ၏။

နိဿယနှင့်အဓိပ္ပါယ်

၂၄၆

အဝသေသာနံ-ကြွင်းသော <mark>ပုထုဇဉ်</mark>ပုဂ္ဂိုလ်တို့၏ (သန္တာန်၌)၊စတုပညာသ-ငါးဆဲ့လေးပါးသော ဝီထိစိတ်ကို၊ သမ္ဘဝါ-ဖြစ်သင့်သည်အားလျော်စွာ၊ ဥဒ္ဒိသေ-ညွှန်ပြရာ၏။

ဧတ္ထ – ဝီထိသင်္ဂဟ၌၊ အယံ – ဤ ဆိုအပ်ပြီးသော စကားသည်၊ ပုဂ္ဂလဘေဒေါ – ပုဂ္ဂိုလ် အပြားဖြင့် စိတ်တို့ကို ခွဲခြားခြင်းတည်း။

အဝသေသာနံ စတုပညာသ — အဝသေသာအရ သေက္ခ အသေက္ခမှကြွင်းသော <mark>ပုထုဇဉ်</mark> ၄ ယောက်ကိုယူ၊ စတုပညာသ-ကား တိဟိတ် <mark>ပုထုဇဉ်</mark>၌ရထိုက်သော ၅၄ ပါးပင်တည်း၊ သမ္ဘဝါ – ဟု ဆိုသောကြောင့် ဒုဂ္ဂတိအဟိတ်ပုဂ္ဂိုလ်၌ ရထိုက်သော စိတ် ၃၇, သုဂတိ အဟိတ်ဒွိဟိတ်တို့၌ ၄၁,ဈာန်ရ တိဟိတ် <mark>ပုထုဇဉ်</mark>၌ ၅၄, ဈာန်မရလျှင် ၄၅ ဟုဖြစ်သလို (ရှေ့ကပြခဲ့သည့်အတိုင်း) ခွဲခြားရာ၏၊ ထို့ပြင် ကာမ ရူပ အရူပဘုံအားဖြင့်လည်း ခွဲခြားရလိမ့်ဦးမည်၊ ယခုခွဲပြသောနည်းကား ကာမဘုံသား ပုဂ္ဂိုလ်များ အတွက်သာဖြစ်၏၊ ရူပ အရူပ ဘုံသားတို့အတွက် ဘူမိဘေဒ အဆုံးကျမှ ခွဲပြပေအံ့။

ပုဂ္ဂလဘေဒ ပြီး၏။

---

## Trang 129

### ဘူမိဝိဘာဂ

၁။ ပ-ကား၊ ကာမာဝစရဘူမိယံ- ကာမာဝစရဘုံ၌၊ သဗ္ဗာနိပိ – အလုံးစုံလည်း ဖြစ်ကုန်သော၊ဧတာနိ ဝီထိစိတ္တာနိ – ဤ ဝီထိစိတ်တို့ကို၊ ယထာရဟံ-ပုဂ္ဂိုလ်အလိုက် ထိုက်သည်အားလျော်စွာ၊ <mark>ဥပလဗ္ဘန္တိ</mark>-ရအပ်ကုန်၏။

၂။ ရူပါဝစရဘူမိယံ – ရူပါဝစရဘုံ၌၊ ပဋိဃဇဝန တဒါရမဏဝဇ္ဇိတာနိ - ဒေါသမူဇော တဒါရုံသည် ကြဉ်အပ်ကုန်သော၊ ဧတာနိ ဝီထိစိတ္တာနိ-တို့ကို၊ လဗ္ဘန္တိ-ရအပ်ကုန်၏၊

ဘူမိဝိဘာဂ။ ။ဘုံအပြားအားဖြင့် ရသင့်သော ဝီထိစိတ်တို့ကို ခွဲခြားဝေဘန်ပြရာ အပိုင်း အခဏ်းကို "ဘူမိဝိဘာဂ" ဟု ခေါ်သည်၊ အတိုချုပ်အားဖြင့် "ဘုံ၌စိတ်ရ"ဟု ခေါ်စမှတ်ပြုကြ၏။

၁။ ကာမာဝစရဘူမိယံ၊ပေ၊<mark>ဥပလဗ္ဘန္တိ</mark> — ကာမဘုံ၌ ဝီထိစိတ်<mark>၈ဝ</mark> လုံး ရထိုက်၏၊ [ ဝီထိစိတ်ကို ပြရာ ဝီထိပိုင်းဖြစ်၍ ဝီထိမုတ်စိတ် ၉ ပါးအတွက် အထူး မမြွက်ပြီ။ ]

ဝီထိစိတ် <mark>၈ဝ</mark> ရထိုက်သည်ဟု ဆိုရသော်လည်း (ပုဂ္ဂလဘေဒ၌ ပြခဲ့သည့်အတိုင်း) အဟိတ် စသော ပုဂ္ဂိုလ်များအလိုက် ထိုက်သင့်သလို ရကြသည်-ဟူလို။

၂။ ရူပါဝစရ၊ပေ၊တဒါရမဏဝဇ္ဇိတာနိ-ဈာန်ရပြီးနောက် ဒေါသဖြစ်လျှင် ဈာန် ကွယ်၏၊ တဒါရုံကား ကာမဘုံသား သန္တာန်၌သာရထိုက်၏၊"ကာမေဇဝနသတ္တာလမ္ဗနာနံ"စသည့်ကိုသတိပြု၊ ထို့ကြောင့် (အသညသတ်မှတပါးသော) ရူပဘုံ၌ ဒေါသမူဒွေးနှင့် တဒါရုံကိစ္စ တပ်သော မဟာဝိပါက်<mark>စိတ် ၈ ပါး</mark> မရထိုက်၊ [သန္တီရဏ ၃ ကား သန္တီရဏ ကိစ္စ တပ်ခိုက် ရူပဘုံ၌ဖြစ်ထိုက်သေး၏။]

နိဿယနှင့်အဓိပ္ပါယ်

<mark>၂၄၈</mark>

၃။ အရူပါဝစရဘူမိယံ- အရူပါဝစရဘုံ၌၊ ပဌမမဂ္ဂ ရူပါဝစရ ဟသန ဟေဋ္ဌိမာရုပ္ပဝဇ္ဇိတာနိစ- သောတာပတ္တိမဂ် ရူပါဝစရစိတ် <mark>ဟသိတုပ္ပါဒ်</mark> အောက်အောက်သောအရူပစိတ်တို့သည်လည်း ကြဉ်အပ်ကုန်သော၊ ဧတာနိ ဝီထိစိတ္တာနိ-တို့ကို၊ လဗ္ဘန္တိ-ရအပ်ကုန်၏။

၄။ စ- ဆက်ဦးအံ့။ သဗ္ဗတ္ထာပိ – အလုံးစုံသော ဘုံတို့၌လည်း၊ တံတံပသာဒ ရဟိတာနံ-ထိုထို ပသာဒမှ ကင်းသောပုဂ္ဂိုလ်တို့၏ (သန္တာန်၌)၊ တံတံဒွါရိက ဝီထိစိတ္တာနိ - ထိုထိုဒွါရ၌ ဖြစ်သော ဝီထိစိတ်တို့ကို၊ <mark>န လဗ္ဘန္တေဝ</mark> - မရအပ်ကုန်သည်သာလျှင်တည်း။

၃။ အရူပါဝစရ၊ပေ၊ဟေဋ္ဌိမာရုပ္ပဝဇ္ဇိတာနိစ-အရူပဘုံ၌ သောတာပတ္တိမဂ်စိတ် ၁, (ဝိပါက်များကား ဝီထိမုတ်ဖြစ်၍ ကြဉ်ပြီးဖြစ်သောကြောင့်)ရူပစိတ် ၁ဝ, <mark>ဟသိတုပ္ပါဒ်</mark>နှင့် အောက်အောက် အရူပစိတ်များမရ၊ ဥပမာ-ဝိညာဏဉ္စာယတန (ဒုတိယ) ဘုံ၌ အာကာသာနဉ္စာယတန ကုသိုလ်နှင့်ကြိယာစိတ် မရ, နေဝသညာ နာသညာယတန (စတုတ္ထ) ဘုံ၌ အာကာသာနဉ္စာယတန ဝိညာဏဉ္စာယတန အာကိဉ္စညာယတန ကုသိုလ်ကြိယာများမရနိုင်-ဟူလို။

၄။ သဗ္ဗတ္ထာပိစ၊ပေ၊<mark>န လဗ္ဘန္တေဝ</mark>-ဘယ်ဘုံ၌မဆို ထိုထို ပသာဒမရှိသူ့သန္တာန်၌ ထိုထို ပသာဒ (ဒွါရ) နှင့် စပ်သော ဝီထိစိတ်များ မရထိုက်၊ဥပမာ-စက္ခုပသာဒ ချို့နေလျှင် (မျက်စိ မမြင်လျှင်) ကာမဘုံသားပင် ဖြစ်သော်လည်း စက္ခုဒွါရိက ဝီထိစိတ်များ မရနိုင် စသည်ဖြင့် သိလေ။

"ရူပလောကေပန ဃာနာဒိတ္တယံ နတ္ထိ" ဟု ဆိုခဲ့သည့်အတိုင်း ရူပဘုံ၌ဃာန ဇိဝှါ ကာယပသာဒတို့ မရှိသောကြောင့် ထို ပသာဒ (ဒွါရ) နှင့်စပ်သော ဃာနဝိညာဏ် ၂, ဇိဝှါဝိညာဏ် ၂, ကာယဝိညာဏ် ၂, ပေါင်း၆ ပါးလည်း မရထိုက်၊ အရူပဘုံ၌ ပသာဒရုပ် ငါးပါးလုံး မရှိသောကြောင့် ပဉ္စဒွါရ၌ ဖြစ်လေ့ရှိသော ပဉ္စဒွါရာဝဇ္ဇန်း ဒွေးပဉ္စဝိညာဏ် ၁၀ သမ္ပဋိစ္ဆန်း ၂ နှင့်သန္တီရဏ ၃ တို့လည်း မရထိုက်။

---

## Trang 130

၅။ ပန-ကား၊ အသညသတ္တာနံ-အသညသတ်ပုဂ္ဂိုလ်တို့၏ (သန္တာန်၌)၊ သဗ္ဗထာပိ-အလုံးစုံသောအပြားအားဖြင့်လည်း၊စိတ္တပ္ပဝတ္တိ – စိတ်၏ ဖြစ်ခြင်းသည်၊ နတ္ထေဝ - မရှိသည်သာတည်း၊ ဣတိ-ဤတွင် ဘူမိဝိဘာဂ အပြီးတည်း။

၅။ အသညသတ္တာ၊ပေ၊နတ္ထေဝ-[အသည = သညာ မရှိသော+သတ္တ = သတ္တဝါ။] သညာ မရှိသော ဗြဟ္မာ သတ္တဝါကို "အသညသတ္တ" ဟုခေါ်၏၊ သညာတစ်ခုကို ခေါင်းတပ်၍ "အသည" ဟု ဆိုသည်၊ အသညသတ်ဘုံသားတို့မှာ (သညာစေတသိက်သာ မက) စိတ်စေတသိက် ဟူသမျှ မရှိ။

### ၆။ သင်္ဂဟဂါထာ

ကာမေ-ကာမဘုံ၌၊ အသီတိ-၈ဝ သေခ၊ ဝီထိစိတ္တာနိ-ဝီထိစိတ်တို့ကို၊ ယထာရဟံ – ထိုထို ပုဂ္ဂိုလ်အလိုက် ထိုက်သည်အားလျော်စွာ၊ လဗ္ဘန္တိ ရေ-ရအပ်ကုန်၏၊

ရူပေ-အသညသတ်ကြဉ်သော ရူပတစ်ဆဲ့ငါးဘုံ၌၊ စတုသဋ္ဌိ-ခြောက်ဆဲ့လေးပါးသော၊ ဝီထိစိတ္တာနိ-တို့ကို၊ ယထာရဟံ-အားလျော်စွာ၊ လဗ္ဘန္တိ ရေ-ရအပ်ကုန်၏၊

တထာ-ထိုမှတပါး၊ အရူပေ-အရူပလေးဘုံ၌၊ဒွေစတ္တာလီသ – လေးဆဲ့ နှစ်ပါးသော၊ ဝီထိစိတ္တာနိ-တို့ကို၊ယထာရဟံ-အားလျော်စွာ၊ လဗ္ဘန္တိ ရေ-ရအပ်ကုန်၏။

ဧတ္ထ-ဤဝီထိသင်္ဂဟ၌၊ အယံ-ဤ ဆိုအပ်ပြီးသော စကားသည်၊ ဘူမိဝိဘင်္ဂေါ – ဘုံအားဖြင့် ဝီထိစိတ်တို့ကို ခွဲခြားဝေဘန်ခြင်းတည်း။

၆။ သင်္ဂဟဂါထာ

အသီတိ ဝီထိစိတ္တာနိ ကာမေ-ကာမဘုံ၌ ဝီထိစိတ် ၈ဝ လုံး ထိုက်သလိုရနိုင်၏၊ ထိုက်သလို ရပုံကို ဒုဂ္ဂတိအဟိတ် ပုဂ္ဂိုလ်၌ ၃၇, သုဂတိ အဟိတ်ပုဂ္ဂိုလ်၌ ၄၁ စသည့်ဖြင့် ပုဂ္ဂလဘေဒ၌ ပြခဲ့သည့်အတိုင်း သိလေ။

နိဿယနှင့်အဓိပ္ပါယ်

၂၅၁

ရူပေ စတုသဋ္ဌိ — ရူပဘုံကား ယခင် ၈ဝ တွင် ဒေါသမူ ၂, မဟာဝိပါက် ၈, ဃာန ဇိဝှါ ကာယဝိညာဏ် ၆ ကို ကြဉ် (ကြဉ်ရပုံကို စုဏ္ဏိယပြန်ကြည့်) ၆၄ ပါးသော ဝီထိစိတ်များ ရနိုင်၏။ "ယထာရဟံ"အရ တိဟိတ်<mark>ပုထုဇဉ်</mark>နှင့် ဖလဋ္ဌ ၄ ယောက်အတွက် နောက်၌ ခွဲပြလတံ့။

ရူပဘုံ၌ ဈာန်ရပုဂ္ဂိုလ်များချည်းသာ ဖြစ်ရသောကြောင့် ဒု သု ဒွိ ပုဂ္ဂိုလ်၃ ယောက်မရှိ၊ မဂ္ဂဋ္ဌပုဂ္ဂိုလ်၌ မိမိဆိုင်ရာ မဂ်စိတ် ၁ သာ ဖြစ်ခွင့်ရှိ၍ အထူးစိစစ်ဘွယ် မလို။

အရူပေ ဒွေစတ္တာလီသ — အရူပဘုံ၌ကား ရူပဘုံ၌ ရထိုက်သော ၆၄တွင် သောတာပတ္တိမဂ် ၁, ရူပစိတ်(ကုကြိ)၁၀, <mark>ဟသိတုပ္ပါဒ်</mark> ၁, [၎င်း ၁၂ပါးကြဉ်ရပုံကို စုဏ္ဏိယ ကြည့်၊] ပဉ္စဒွါရာဝဇ္ဇန်း ၁, စက္ခုဝိညာဏ်ဒွေး သောတဝိညာဏ်ဒွေး သမ္ပဋိစ္ဆန်းဒွေး, သန္တီရဏ ၃, ၎င်း ၁ဝ ကိုကား အရူပဘုံ၌ပသာဒရုပ်လည်း မရှိ, တဒါရုံကိစ္စလည်း မတပ်နိုင်သောကြောင့် "သဗ္ဗတ္ထာပိတံတံပသာဒရဟိတာနံ"စသော စကားအရ ကြဉ်ရသည်၊] ၎င်း ၂၂ ပါးသောစိတ်များကိုကြဉ် ကြွင်း ၄၂ ပါးရ၏၊ [ ဝတ္ထုသင်္ဂဟပြခဲ့သော "ဒွေစတ္တာလီသ"အရနှင့် အတူပင်တည်း။]

ဘူမိဝိဘာဂ ပြီး၏။

---