## Trang 66

### အနုသန္ဓေ
### ပကိဏ်းပိုင်းနိဿယ

ယထာယောဂံ-ယှဉ်ထိုက်သည်အားလျော်
ခေါင်းစဉ် ပဋိညာဉ် စွာ၊ သမ္ပယုတ္တာ - အညီအမျှ ကုပ္ပါဒတခ
အစရှိသော အပြားတို့ဖြင့် ယှဉ်ကြကုန်သော၊ သဘာဝတော-
မိမိ မိမိ၏ လက္ခဏာအားဖြင့်၊ တေပညာသ = ၅၃
စိတ္တစေတသိကာ – စိတ် စေတသိက် ဖြစ်ကုန်သော၊ ဓမ္မာ–
သဘောတရားတို့ကို၊ (နိဋ္ဌိတံ-အကျယ် ပြအပ်ကုန်ပြီ။)

ဒါနိ-ယခုအခါ၌၊ တေသံ-ထို ငါးဆဲ့သုံးပါးသော သဘော
တရားတို့၏၊ ယထာရဟံ-ထိုက်သည်အားလျော်စွာ၊ ဝေဒနာ
ဟေတုတော-ဝေဒနာအပြား, ဟိတ် အပြားအားဖြင့်၎င်း၊ ကိစ္စ
ဒွါရာလမ္ဗနဝတ္ထုတော-ကိစ္စအပြား, ဒွါရအပြား, အာရုံအပြား,
ဝတ္ထု အပြားအားဖြင့်၎င်း၊ သင်္ဂဟောနာမ - ရောပြွမ်း သမျှ,
ပေါင်းစု၍ပြ, ပကိဏ္ဏက မည်သော သင်္ဂဟကို၊ စိတ္တုပ္ပါဒ
ဝသေန – စိတ်၏ အစွမ်းဖြင့်သာလျှင်၊ နီယတေ - ဆောင်ပြ
အပ်၏၊ (ဆောင်ပြပေအံ့-ဟူလို။)

### ပကိဏ်းပိုင်း အဓိပ္ပါယ်

ပကိဏ္ဏက သဒ္ဒါသည် "ရောရောပြွမ်းပြွမ်း" ဟူသော အနက်ကို ဟော
ရကား ဝေဒနာသင်္ဂဟ စသော သင်္ဂဟ ၆ မျိုးကို ရောပြွမ်း၍ ပြသောကြောင့်
ပကိဏ္ဏက သင်္ဂဟခေါ်သည်ဟု မှတ်) ဝေဒနာသင်္ဂဟ စသော တခုထည်းကို
ပကိဏ္ဏက သင်္ဂဟခေါ်သည်ဟု မမှတ်နှင့်၊ [ အချို့အယူကို ဘာသာဋီကာ၌
စိစစ်ထားသည်။ ]

### နိဿယနှင့်အဓိပ္ပါယ်

**အနုသန္ဓေ-ခေါင်းစဉ်နှင့်-ပဋိညာဉ်။** ဤ "သမ္ပယုတ္တာ ယထာ
ယောဂံ" စသော ဂါထာတို့ကား ရှေ့နောက် စကားဆက်သွယ်မှု ဟူသော
အနုသန္ဓေနှင့် ခေါင်းစဉ် ပဋိညာဉ်တို့ကို ပြသော ဂါထာတို့တည်း၊ "ယှဉ်
လိုက်သလို ယှဉ်ကြကုန်သော ၅၃ ပါးသော သဘောတရားတို့ကို စိတ်ပိုင်း
စေတသိက်ပိုင်းတို့ဖြင့် အကျယ်ပြခဲ့ပြီ၊ (ရှေ့ပိုင်းစကားဆက်, ပုဗ္ဗာနုသန္ဓေ
ဟုလည်း ခေါ်၏၊) ယခုအခါ ထို သဘောတရားတို့၏ ပကိဏ္ဏက သင်္ဂဟကို
ဝေဒနာ ဟိတ် ကိစ္စ ဒွါရ အာရုံ ဝတ္ထု အပြားအားဖြင့် ဆောင်ပြပေအံ့
ဟူလို၊ (နောက်ပိုင်းစကားဆက်တည်း, အပရာနုသန္ဓေဟုလည်း ခေါ်၏၊
ဝေဒနာ ဟေတုတော-ကိစ္စ ဒွါရာလမ္ဗနဝတ္ထုတော ကို သင်္ဂဟောနှင့်
တွဲစပ်၍ ဝေဒနာသင်္ဂဟ ဟေတုသင်္ဂဟ စသော ခေါင်းစဉ်မာတိကာကို၎င်း,
"နိယတေ" ပါဠိဖြင့် ပဋိညာဉ်ကို၎င်း, မှတ်လေ။

**တေပညာသ သဘာဝတော။** စိတ် တခုယုတ် ၉၀ ရှိ၏ဟု ပြော
ဆိုရိုးရှိသော်လည်း စင်စစ်မှာ တခုယုတ် ၉၀ မရှိ၊ အာရမ္မဏဝိဇာနန (အာရုံကို
သိခြင်းသဘော) လက္ခဏာအားဖြင့် တပါးထည်းသာ ရှိကြောင်းကို
"ဣတ္ထမေကူန နဝုတိ, ပဘေဒံ ပန မာနသံ" ဟူသော စိတ်ပိုင်း ဂါထာ၌
ပြခဲ့ပြီ၊ စေတသိက် ၅၂ ပါးကား ဖဿ၏ (အာရုံကို တွေ့ထိခြင်း) ဖုသန
လက္ခဏာ, ဝေဒနာ၏ (အာရုံကို ခံစားခြင်း) အနုဘဝန လက္ခဏာ, သညာ၏
(အာရုံကို မှတ်သားခြင်း) သဉ္ဇာနန လက္ခဏာ စသော မိမိဆိုင်ရာ
လက္ခဏာအားဖြင့် တမျိုးစီဖြစ်ကြသောကြောင့် ၅၂ ပါးပင်ရှိ၏၊ ထိုကြောင့်
မိမိ မိမိ၏ သဘော လက္ခဏာအားဖြင့် စိတ်က ၁ ပါး, စေတသိက်က
၅၂ ပါး, ပေါင်း ၅၃ ပါး ဖြစ်၏၊ ၎င်း ၅၃ ပါးကို "နာမ်တေပညာသ"ဟု
ခေါ်၏။

**ပဋိနိဒ္ဒေသ။** "တေသံ သင်္ဂဟောနာမ နီယတေ" ပါဠိဖြင့် "ထို
စိတ် စေတသိက်တို့၏ သင်္ဂဟကို ဆောင်ပြပေအံ့" ဟု ဆိုသောကြောင့်
ဤ ပကိဏ်းပိုင်းသည် စိတ်စေတသိက် ၂ ပါးစုံကို ထပ်မံ၍ ချွဲပြသော
နိဒ္ဒေသတည်းဟု မှတ်။

---

## Trang 67

### ဝေဒနာသင်္ဂဟ

၁။ တတ္ထ-ထိုခြောက်ပါးသောသင်္ဂဟတို့တွင်၊
တတ္ထ – ဟေတုသင်္ဂဟ စသည် တို့မှ ရှေ့
ဦးစွာ၊ (နိဒ္ဒိဋ္ဌ-ညွှန်ပြအပ်သော)၊ ဝေဒနာသင်္ဂဟေ-ဝေဒနာ
သင်္ဂဟ၌၊ (လဗ္ဘမာနာ – ရထိုက်သော)၊ ဝေဒနာ – ဝေဒနာ
သည်၊ သုခံ-သုခဝေဒနာ၎င်း၊ ဒုက္ခံ-ဒုက္ခဝေဒနာ၎င်း၊ အနုက္ခ
မသုခါစ - အနုက္ခမသုခါဝေဒနာ၎င်း၊ ဣတိ - ဤသို့၊ တိဝိဓာ -
(အာရမ္မဏာနုဘဝန လက္ခဏာအားဖြင့်) သုံးပါး အပြားရှိ၏။

#### ဝေဒနာသင်္ဂဟ

ဝေဒနာ အပြားအားဖြင့် စိတ် စေတသိက်တို့ကို
ပေါင်းယူရာဖြစ်သော စကားရပ်ကို "ဝေဒနာသင်္ဂဟ" ဟု ခေါ်သည်။
တိဝိဓာဝေဒနာ ၊ ပေ ၊ ဘေဒေနပဉ္စဓာ-- ဤစကားကား ဝေဒနာ
အပြားအားဖြင့် စိတ်တို့ကို ပေါင်းယူရမည်ဖြစ်၍ ရှေးဦးစွာ အရင်းခံဖြစ်သော
ဝေဒနာ အပြားကို ပြသော စကားတည်း၊ ဝေဒနာ အပြားသည် အခြား
သုတ္တန်တို့၌ ၁ ပါး ၂ ပါးမှ စ၍ အမျိုးမျိုး ဟောထားသော်လည်း, ဤ
အဘိဓမ္မာ၌ ၂ မျိုးသာ ဟောတော်မူ၏၊ ထိုတွင် ပဌမနည်းကား အာရမ္မဏာနု
ဘဝန လက္ခဏာအားဖြင့် ပြားသောနည်းတည်း၊ [ အာရမ္မဏ=အာရုံ-
+အနုဘဝန=ခံစားခြင်း+လက္ခဏ=အမှတ်အသား။ ]

#### အာရမ္မဏာနုဘဝနနည်း

၁-ဣဋ္ဌာရုံ=အလိုရှိအပ် ကောင်းမြတ်
သောအာရုံ, ၂-အနိဋ္ဌာရုံ = အလိုမရှိအပ် မကောင်းမြတ်သော အာရုံ,
၃-ဣဋ္ဌမဇ္ဈတ္တာရုံ=(ဣဋ္ဌာရုံလောက် မကောင်းတတ်) အလယ် အလတ်မျှ
အလိုရှိအပ်သောအာရုံဟု ၃ မျိုးရှိ၏၊ ဣဋ္ဌာရုံကိုခံစားသော ဝေဒနာသည်
သာယာသောအားဖြင့် ခံစား၏, ဤခံစားမှုကို "သုခဝေဒနာ"ဟု ခေါ်သည်၊
အနိဋ္ဌာရုံကို ခံစားသော ဝေဒနာသည် မသာယာသောအားဖြင့် ခံစား၏,
ဤ ခံစားမှုကို "ဒုက္ခဝေဒနာ" ဟု ခေါ်သည်၊ ဣဋ္ဌမဇ္ဈတ္တာရုံကို ခံစားသော
ဝေဒနာသည် သာယာသည်လည်း မဟုတ် မသာယာသည်လည်း မဟုတ်
လျစ်လျူရှုသောအားဖြင့် ခံစား၏, ဤ ခံစားမှုကို "ဥပေက္ခာဝေဒနာ" ဟု
ခေါ်သည်၊ ဤသို့ အာရမ္မဏာနုဘဝန လက္ခဏာအားဖြင့် ဝေဒနာ ၃ မျိုး
ပြားသည်။

#### ဣန္ဒြိယဘေဒနည်း

သုခိန္ဒြေ ဒုက္ခိန္ဒြေ သောမနဿိန္ဒြေ ဒေါမန
ဿိန္ဒြေ ဥပေက္ခိန္ဒြေ ဟူသော ဣန္ဒြေ အပြားအားဖြင့် သုခဝေဒနာ-ဒုက္ခ-
သောမနဿ-ဒေါမနဿ-ဥပေက္ခာဝေဒနာ ဟု ၅ မျိုး ပြားပြန်၏၊ ပြားခြင်း၏
အကြောင်းကို ဘာသာဋီကာ၌ ဆိုထားပြီ။

ပန-တနည်းကား၊ သုခံ – သုခဝေဒနာ၎င်း၊ ဒုက္ခံ – ဒုက္ခဝေဒနာ
၎င်း၊ သောမနဿံ – သောမနဿဝေဒနာ၎င်း၊ ဒေါမနဿံ
ဒေါမနဿဝေဒန၎င်း၊ ဥပေက္ခာစ - ဥပေက္ခာဝေဒနာ၎င်း၊
ဣတိ-ဤသို့၊ ဘေဒေန - ဣန္ဒြေအပြားအားဖြင့်၊ ပဉ္စဓာ-ငါးပါး
ပြားသည်၊ ဟောတိ-ဖြစ်၏။

ဤ ဝေဒနာသင်္ဂဟ၌ ထို ၅ မျိုး အပြားအားဖြင့် စိတ်တို့ကို သင်္ဂြိုဟ်
ရေတွက်ပြလတံ့၊ ဤ ဝေဒနာဖြင့် စိတ်ကိုရေတွက်နည်းသည် နည်းထူး နည်း
ဆန်းကြီး မဟုတ်, စိတ်ပိုင်း၌ သရုပ်ခွဲရိုး ဖြစ်နေသော သုခသဟဂုတ်စိတ်
ဒုက္ခသဟဂုတ်စိတ် သောမနဿသဟဂုတ်စိတ်၊ ဒေါမနဿသဟဂုတ်စိတ်
ဥပေက္ခာသဟဂုတ်စိတ်များပင်တည်း။

**စေတသိက်ကို ရေတွက်ခြင်း။** အရှင်အနုရုဒ္ဓါသည် "ဝေဒနာဖြင့်
စိတ်တို့ကိုရေတွက်လျှင် ယှဉ်ဘက်စေတသိက်များအတွက် သိသာလောက်ပြီ"
ဟု သဘောပိုက်၍ ပါဠိ ဖြစ်သော စိတ်ကိုသာ ရေတွက်ပြခဲ့ပေသည်၊

---

## Trang 68

သို့သော် တမင် ဂရုမစိုက်လျှင် နားလည်ဘွယ် မရှိသောကြောင့် မာတိကာ
စသောညဝါအကောက်များ၌ ကျေးဇူးများဘို့ရာ စေတသိက်တို့ကိုလည်း
တွဲဘက်၍ ရေတွက်ပြအံ့၊ နောက်သင်္ဂဟများ၌လည်း ဤနည်းကို သတိပြု။

> [ဆောင်] သုခဒုက္ခာ, ဝေဒနာနှင့်, ယှဉ်လာလေရိပ်, စေတသိက်ကား,
> ခြောက်ပါးညီမျှ၊ သောမနဿဝယ်, လေးဆယ်နှင့် ခြောက်၊
> ထိုနောက်ဒေါမန, ယှဉ်သမျှစစ်, နှစ်ဆဲ့တစ်သား ဥပေက္ခာ၌,
> ယှဉ်လာ ဖြစ်မြောက်, လေးဆဲ့ ခြောက်သည်, ရွေးကောက်
> လေတော့ မခဲတည်း။

၂။ တတ္ထသုခသဟဂတံ၊ ပေ ၊ ဧကမေဝ။ သုခဝေဒနာနှင့်တကွ
ဖြစ်သော စိတ်ကား အဟိတ်စိတ်လာ ကုသလဝိပါက် သုခသဟဂုတ် ကာယ
ဝိညာဏ်စိတ် ၁ ပါးသာတည်း၊ ထို သုခသဟဂုတ် ကာယဝိညာဏ် စိတ်၌
"ဒွိပဉ္စဝိညာဏေ ပကိဏ္ဏကဝဇ္ဇိတာ" အရ သဗ္ဗစိတ္တသာဓာရဏစေတသိက်
၇ ပါး ယှဉ်၏။ ထို ၇ ပါးတွင် အရင်းခံ သုခဝေဒနာကို ကြည့်၍ သုခ
ဝေဒနာနှင့် တကွဖြစ်သော စေတသိက်သည် ဖဿ စသောအားဖြင့် ၆ ပါး
ရှိသည်။

[ စိတ်တခု၌ ဖဿ ဝေဒနာ သညာ စသော စေတသိက် အများ
ယှဉ်ရာတွင် ဖဿလည်း ၁, ဝေဒနာလည်း ၁, သညာလည်း ၁, စသည့်ဖြင့်
၃ ပါးစီသာ ရှိသောကြောင့် ဝေဒနာနှင့် ယှဉ်ဘက် ဖြစ်သော အခြား
ဝေဒနာ ၁ ပါး မရှိပြီ၊ ထို့ကြောင့် ဝေဒနာနှင့် ယှဉ်ဘက် စေတသိက်တို့ကို
ရေတွက်ရာ၌ အရင်းခံ ဝေဒနာကို ကြဉ်၍ ရေတွက်ရသည်။ ]

၂။ တတ္ထ-ထို ငါးပါးသော ဝေဒနာတို့တွင်၊ သုခသဟ
ဂတံ-သုခဝေဒနာနှင့်တကွ ဖြစ်သော စိတ်သည်၊ ကုသလဝိပါ
ကံ – ကုသလဝိပါက် ဖြစ်သော၊ ကာယဝိညာဏံ ဧကံဧဝ -
ကာယဝိညာဏ် စိတ်တခုသာ တည်း၊ ဒုက္ခသဟဂတံ – ဒုက္ခ
ဝေဒနာနှင့်တကွ ဖြစ်သော စိတ်သည်၊ အကုသလဝိပါကံ -
အကုသလဝိပါက် ဖြစ်သော၊ တထာ – ထို ကာယဝိညာဏ်
စိတ်တခုသာတည်း၊

တထာဒုက္ခသဟဂတံ အကုသလဝိပါကံ ဒုက္ခဝေဒနာနှင့် တကွ
ဖြစ်သော စိတ်လည်း အကုသလဝိပါက် ဒုက္ခသဟဂုတ် ကာယဝိညာဏ်စိတ်
၁ ပါးပင်တည်း၊ စေတသိက်လည်း သုခသဟဂုတ်ကဲ့သို့ ၆ ပါးပင် ဖြစ်၏၊
ထိုကြောင့် "သုခ ဒုက္ခာ, ဝေဒနာနှင့်, ယှဉ်လာလေရိပ်, စေတသိက်ကား,
ခြောက်ပါးညီမျှ" ဟု ဆိုရလေသည်။

၃။ ပန-ကား၊ သောမနဿသဟဂတစိတ္တာနိ-သောမနဿ
ဝေဒနာနှင့် တကွ ဖြစ်သော စိတ်တို့သည်။ [ ဒွါသဋ္ဌိဝိဓာနိ
ဘဝန္တိ၌စပ်] စတ္တာရိ – လေးပါးကုန်သော၊ လောဘမူလာနိ-
လောဘမူစိတ်တို့၎င်း၊ ဒွါဒသ-၁၂ပါးကုန်သော၊ ကာမာဝစရ
သောဘနာနိ-ကာမာဝစရ သောဘနစိတ်တို့၎င်း၊ ဒွေ-နှစ်ပါး
ကုန်သော၊ သောမနဿသန္တီရဏ ဟသနာနိစ – သောမနဿ သန္တီ
ရဏစိတ်, ဟသိတုပ္ပါဒ်စိတ်တို့၎င်း၊ ဣတိ-ဤသို့၊ အဋ္ဌာရသ-
၁၈ပါးကုန်သော၊ ကာမာဝစရ သောမနဿသဟဂတစိတ္တာ
နိစေ၁-ကာမာဝစရ သောမနဿသဟဂုတ်စိတ်တို့၎င်း၊ ပဌမ
ဒုတိယ တတိယ စတုတ္ထဇ္ဈာနသင်္ခါတာနိ-ပဌမဈာန် ဒုတိယ
ဈာန် တတိယဈာန် စတုတ္ထဈာန် ဟု ဆိုအပ်ကုန်သော၊ စတု
စတ္တာလီသ-၄၄ ပါးသော၊ မဟဂ္ဂုတလောကုတ္တရစိတ္တာနိစ-
မဟဂ္ဂုတ် လောကုတ္တရာဈာန်စိတ်တို့၎င်း၊ ဣတိ-ဤသို့၊ ဒွါသဋ္ဌိ
ဝိဓာနိ-၆၂ ပါး အပြားရှိကုန်သည်။ ဘဝန္တိ-ဖြစ်ကုန်၏။

၃။ သောမနဿသဟဂတ၊ ပေ၊ ဒွါသဋ္ဌိဝိဓာနိဘဝန္တိ။ သော
မနဿဝေဒနာနှင့် တကွဖြစ်သော စိတ်ကား ၆၂ ပါး ရှိ၏, ပါဠိ ကြည့်၍

---

## Trang 69

သရုပ်ရေတွက်လေ၊ သောမနဿနှင့်ယှဉ်သော စေတသိက်ကား "ဒေါသမူ
ဒွေး၌သာ ယှဉ်သော ဒေါသ ဣဿာ မစ္ဆရိယ ကုက္ကုစ္စ ၄ ပါး, ဝိစိကိစ္ဆာ
သဟဂုတ်စိတ်၌ ယှဉ်သော ဝိစိကိစ္ဆာ စေတသိက် ၁, ပေါင်း ၅ ပါးနှင့်
အရင်းခံ ဖြစ်သော သောမနဿဝေဒနာကိုကြဉ်" ကြွင်း ၄၆ ပါး တည်း၊
ထို့ကြောင့် "သောမနဿဝယ်, လေးဆယ်နှင့်ခြောက်" ဟု ဆိုရပေသည်။

၄။ ပန-ကား၊ ဒေါမနဿသဟဂတစိတ္တာနိ-ဒေါမနဿ
ဝေဒနာနှင့်တကွဖြစ်သောစိတ်တို့သည်၊ ဒွေ-နှစ်ပါးကုန်သော၊
ပဋိဃသမ္ပယုတ္တစိတ္တာနေဝ – ပဋိဃသမ္ပယုတ်စိတ်တို့သာ
တည်း၊

[ ပန-ကား ဟု တွေ့သမျှ၌ "အဘိဓမ္မာ၌ကား" ဟု ချည်း အနက်ဆို။ ]

၄။ ဒေါမနဿသဟဂတ၊ ပေ၊ ပဋိဃသမ္ပယုတ္တစိတ္တာနေဝ။
ဒေါမနဿဝေဒနာနှင့်တကွ ဖြစ်သော စိတ်ဟူသည် ဒေါသမူဒွေးပင်တည်း၊
စေတသိက်ကား ဒေါသမူဒွေး၌ယှဉ်သော စေတသိက် ၂၂ တွင် ဒေါမနဿ
ဝေဒနာကြဉ်, ကြွင်း ၂၁ ပါး တည်း၊ ထို့ကြောင့် "ထို့နောက် ဒေါမနဿ
ယှဉ်သမျှစစ်, နှစ်ဆယ့်တစ်သာ" ဟု ဆိုရပေသည်။

၅။ သေသာနိ-ဆိုအပ်ပြီးသည်မှ ကြွင်းကုန်သော၊ သဗ္ဗာ
နိ၈-အလုံးစုံလည်း ဖြစ်ကုန်သော၊ ပဉ္စပညာသ− ၅၅ ပါးသည်၊
ဥပေက္ခာသဟဂတစိတ္တာနေဝ – ဥပေက္ခာဝေဒနာနှင့် တကွ
ဖြစ်သော စိတ်တို့ချည်းသာတည်း၊ ဣတိ - ဤကား ဝေဒနာ
အပြားအားဖြင့် ပေါင်းယူ ရေတွက်ခြင်းတည်း။

၅။ သေသာနိ၊ပေ၊ ဥပေက္ခာသဟဂတစိတ္တာနေဝ – သုခသဟဂုတ်
ဒုက္ခ သောမနဿ ဒေါမနဿ သဟဂုတ်စိတ်မှ ကြွင်းသော ၅၅ ပါးသည်
ဥပေက္ခာဝေဒနာနှင့်တကွ ဖြစ်သော စိတ်ချည်းသာတည်း၊ ဤ ဥပေက္ခာနှင့်
ယှဉ်သော စေတသိက်ကား – ဒေါသ ဣဿာ မစ္ဆရိယ ကုက္ကုစ္စ ၄, သော
မနဿ သဟဂုတ်စိတ်၌သာ ယှဉ်သော ပီတိ ၁, ပေါင်း ၅ ပါးနှင့် ရင်းခံ
ဥပေက္ခာဝေဒနာကို ကြဉ်" ကြွင်း ၄၆ ပါးတည်း၊ ထို့ကြောင့် "ဥပေက္ခာ၌
ယှဉ်လာဖြစ်မြောက်, လေးဆယ့်ခြောက်သည်" ဟု ဆိုရပေသည်။

### သဟဂါထာ

၆။ တတ္ထ-ထို ဝေဒနာသင်္ဂဟ၌၊ (လဗ္ဘမာနာ-
ရထိုက်သော၊) ဝေဒနာ – ဝေဒနာသည်၊ သုခံ-
သုခဝေဒနာ၎င်း၊ ဒုက္ခ-၎င်း၊ ဥပေက္ခာ-၎င်း၊ ဣတိ-သို့၊ တိဝိဓာ-
အာရမ္မဏာနုဘဝန လက္ခဏာအားဖြင့် သုံးပါး အပြားရှိ၏၊
သောမနဿံ − သောမနဿဝေဒနာ၎င်း၊ ဒေါမနဿံ – ၎င်း၊
ဣတိ-၏ နှစ်ပါးကို ထည့်၍၊ ဘေဒေန - ဣန္ဒြေအပြားအားဖြင့်၊
ပဉ္စဓာ-ငါးပါး ပြား၏။

၇။ သုခံ – သုခဝေဒနာသည်၎င်း၊ ဒုက္ခဉ္စ - ဒုက္ခဝေဒနာ
သည်၎င်း၊ ဧကတ္ထ-တခုစီသော ကာယဝိညာဏ်စိတ်၌၊ ဌိတံ-
တည်၏၊ (ယှဉ်၏၊) ဒေါမနဿံ – ဒေါမနဿ ဝေဒနာသည်၊
ဒွယေ-စိတ်နှစ်ပါး အပေါင်း၌၊ ဌိတံ-၏၊ သောမနဿံ – သော
မနဿဝေဒနာသည်၊ ဒွါသဋ္ဌိသု - ၆၂ ပါးသော စိတ်တို့၌၊
ဌိတံ-၏၊ ဣတရာ-ဆိုအပ်ပြီးမှ တပါးသော ဥပေက္ခာဝေဒနာ
သည်၊ ပဉ္စပညာသကေ-၅၅ ပါးသောစိတ်၌၊ ဌိတာ-တည်၏။

၆-၇။ **သင်္ဂဟဂါထာ။** ဤသင်္ဂဟဂါထာများတွင် ပဌမဂါထာသည်
ဝေဒနာ အပြားကို အကျဉ်းချုပ်ပြ၏။ ဒုတိယဂါထာကား ဝေဒနာနှင့်
ယှဉ်သော စိတ်များကို အကျဉ်းချုပ်ပြသည်, အကျယ် ပါဠိနှင့် စပ်၍ကြည့်
လေ၊ အာရမ္မဏာနုဘဝနနည်းအားဖြင့်ကား သုခသဟဂုတ်စိတ် ၆၃,

---

## Trang 70

ဒုက္ခသဟဂုတ်စိတ် ၃, ဥပေက္ခာသဟဂုတ်စိတ် ၅၅, ပေါင်း ၁၂၁ ပါး
ဖြစ်နိုင်ကြောင်းကိုလည်း စိတ်ပိုင်း၌ တွက်ပြခဲ့သည့်အတိုင်း သိလေဦး။

### လေ့ကျင့်ခန်း မေးခွန်းများ

က။ အဘယ့်ကြောင့် ပကိဏ္ဏကသင်္ဂဟ (ပကိဏ်းပိုင်း) ဟု ခေါ်သနည်း။
ခ။ သမ္ပယုတ္တာ ယထာယောဂံ – စသော ဂါထာတို့သည် ဘာကို ပြသော
ဂါထာတို့နည်း။
ဂ။ ထို ဂါထာများကို အနက်ပေး၍ တေပညာသ အရ ရေတွက်ပြပါ။
ဃ။ အဘယ်သို့သော စကားရပ်ကို ဝေဒနာသင်္ဂဟ ဟု ခေါ်သနည်း။
င။ အာရမ္မဏာနုဘဝနနည်း ဣန္ဒြိယဘေဒနည်းတို့အရ အသီးအသီး ပြား
သော ဝေဒနာအပြားကို ပြပါ။
စ။ သုခံ ဧကတ္ထ ဒုက္ခဉ္စ-အရ အကျယ်ပါဠိကိုထောက်၍ သရုပ်ကောက်ပါ။
ဆ။ သုခသဟဂုတ် ဒုက္ခသဟဂုတ် စေတသိက်တို့ မည်မျှစီ ရှိကြသနည်း,
လင်္ကာထောက်၍ သရုပ်ကောက်ပါ။
ဇ။ ဒေါမနဿံ ဒွယေ ဌိတံ-အရ အကျယ်ပါဠိ ထောက်၍ သရုပ်ကောက်
ပြီးလျှင်, စေတသိက်ကိုလည်း လင်္ကာထောက်၍ သရုပ်ရေတွက်ပါ။
ဈ။ ဒွါသဋ္ဌိသု သောမနဿံ – အရ အကျယ်ပါဠိထောက်၍ သရုပ်ကောက်
ပြီးလျှင်, စေတသိက်ကိုလည်း လင်္ကာထောက်၍ သရုပ်ကောက်ပါ။
ည။ ပဉ္စပညာသကေ ဣတရာ-အရ အကျယ်ပါဠိကိုထောက်၍ သရုပ်ကောက်
ပြီးလျှင်, စေတသိက်ကိုလည်း လင်္ကာထောက်၍ သရုပ်ကောက်ပါ။

---

### ဟေတုသင်္ဂဟ

၁။ ဟေတုသင်္ဂဟေ-ဟေတုသင်္ဂဟ၌၊ (လဗ္ဘ
မာနာ-ရထိုက်ကုန်သော)၊ ဟေတူနာမ - ဟိတ်
တို့ မည်သည်၊ လောဘော – လောဘ၎င်း၊ ဒေါသော – ၎င်း၊
မောဟော-၎င်း၊ အလောဘော-အလောဘ၎င်း၊ အဒေါသော-
၎င်း၊ အမောဟောစ-၎င်း၊ ဣတိ-သို့၊ ဆဗ္ဗိဓာ–ခြောက်ပါး အပြား
ရှိကုန်သည်၊ ဘဝန္တိ-ဖြစ်ကုန်၏။

#### ဟေတုသင်္ဂဟ

ဟိတ်အပြားအားဖြင့် စိတ် စေတသိက်ကို သင်္ဂြိုဟ်
ရေတွက်ရာ စကားရပ်ကို "ဟေတုသင်္ဂဟ" ဟု ခေါ်သည်။

၁။ ဟေတူနာမ၊ ပေ၊ ဆဗ္ဗိဓာဘဝန္တိ- ဤစကားကား အရင်းခံဟိတ်
အပြားကို ရှေးဦးစွာပြသော စကားတည်း၊ လောဘ စသော စေတသိက်
၆ ပါးကို "ဟိတ်" ဟု ခေါ်၏၊ အမောဟဟိတ် ဟူသည် ပညိန္ဒြေစေတသိက်
ပင်တည်း၊ ဤဟိတ်အားဖြင့် စေတသိက်တို့ကိုလည်း ရေတွက်ပြရာ၏။

> [ဆောင်] အဟိတ်တေရ, ဧက နှစ်ဆယ်, ဒွိဝယ် ဋ္ဌစတ်, တိဟိတ်မှတ်-
> ရလတ် သုံးဆဲ့ငါး။

[တေရ=တေရသ၊ အဟိတ်စေတသိက် ၁၃။ ဧကဟိတ်စေတသိက်
၂၀။ ဋ္ဌစတ် = အဋ္ဌစတ္တာလီသ၊ ဒွိဟိတ် စေတသိက် ၄၈။ တိဟိတ်
စေတသိက် ၃၅။]

> [အကျယ်ဆောင်] အဟိတ်တေရ, ရေတွက်ပြသော်, မောဟတဆူ,
> မောဟမူယှဉ်, ထို့ပြင် အဟိတ် – စိတ်၌ ယှဉ်ပြန်, သမာန် အည,
> ဆဲ့နှစ်ဝတည်း၊ ဧက နှစ်ဆယ်, မော့ပယ်၍, တဆဲ့ ငါးယူ,