## PAGE 202 ကျေးဇူးရှင် အဘိဓဇ မဟာရဋ္ဌဂုရု မစိုးရိမ်ဆရာတော် ဘုရားကြီးကလည်း ဝိသုဒ္ဓိမဂ် မဟာဋီကာကြီး နိဿယနှင့် စပ်၍ ဆဋ္ဌသံဂါယနာတင်စဉ်က ဆရာ တော် စိစစ် လျှောက်ထားချက်များကို ပြန်လည်ကြားယောင်မိကာ- .. “မဟာစည်ဆရာတော်ဟာ သင်္ဂြိုဟ်ဆရာ,ဋီကာကျော်ဆရာတို့၊ အခြားကျမ်းပြုဆရာတို့ မမြင်ခဲ့တဲ့ အမှားများကိုတောင် မြင်အောင် ကြည့်နိုင်တယ်။ သင်္ဂြိုဟ်ကမ္မဋ္ဌာန်းပိုင်း ဒိဋ္ဌိဝိသုဒ္ဓိအခန်းမှာ နာမ်ရုပ် တို့ကို လက္ခဏ, ရသ, ပစ္စုပဋ္ဌာန်, ပဒဋ္ဌာန်တို့ဖြင့် ပိုင်းခြား သိရမည် ဆိုထားရာမှာ ပဒဋ္ဌာန်ကို ဒိဋ္ဌိဝိသုဒ္ဓိအခန်းမှာ မဆိုသင့်သေးပဲ၊ ကင်္ခါ ဝိတရဏဝိသုဒ္ဓိအခန်းကျမှသာ ဆိုသင့်ကြောင်း သံဂါယနာ စိစစ် ဟောပြောစဉ်က ထောက်ပြနိုင်ခဲ့တယ်။ “ဒီက ရွှေ မဟာစည်ဆရာတော်ထက် သာသူကိုမပြောနဲ့၊ တန်းတူ ပုဂ္ဂိုလ်ကိုတောင် တွေ့ရဖို့မလွယ်ဘူး။ မဟာစည်ဆရာတော်ရဲ့စွမ်းရည် သတ္တိကို သိလို့လဲ ဝိသုဒ္ဓိမဂ် မဟာဋီကာကြီး နိယဿရေးဖို့ တို့များက တိုက်တွန်းခဲ့တယ်” ဟူ၍ပင် ချီးကျူး ဂုဏ်ပြု အားပေးတော် လေသည်။ ဤစံတော်ဝင်လည်း တတပ်တအား IL O ကျေးဇူးရှင် မဟာစည် ဆရာတော် ဘုရားကြီးနှင့် ကျေးဇူးရှင် မင်းကွန်း တိပိဋကဓရ ဓမ္မနာဒ, တိပိဋက နိကာယ ဆရာတော် ဘုရားကြီး နှစ်ပါးအား အမည်နာမတော်ကို ထုတ်ဖော် ရေးသားရသော်လည်း စင်စစ် မျက်မှောက်ခေတ် မြန်မာနိုင်ငံ ထေရဝါဒသာသနာ၏ ဘက်စုံ အခိုင်အမာ ရပ်တည်မှု မှန်ကန်ပုံကို ဓမ္မဓိဋ္ဌာန်အားဖြင့် ပြလိုရင်း ဖြစ်ပါသည်။ ပရိယတ် ပဓာနထားသော်လည်း ပဋိပတ်မက္ခာ၊ ပဋိပတ် ပဓာန ဆောင် သော်လည်း ပရိယတ်မလွှတ်၊ အမည် အသံအားဖြင့် သူ့ရေစီးကြောင်းနှင့်သူ ခြားနားသည် ထင်ရစေကာမူ သာသနာ့ တာဝန်ကို ထမ်းဆောင်တော်မူကြရာ၌ တသားတည်းပင်ဖြစ်၍ ခေတ်အဆက်ဆက် နမူနာတင်ရန် သင်ခန်းစာပေးသကဲ့သို့ လည်း ရှိပေ၏။ ဤသို့သော အာဇာနည်အရှင်မြတ်ကြီးများ ဦးဆောင်သည့် သာသနာ ရိပ်တွင် မြန်မာဖြစ်ရသည်မှာ ဂုဏ်ယူမဆုံးအောင် ရှိအပ်လှပေသည်။ ## PAGE 203 ယနေ့ ကမ္ဘာ တခွင်လုံးသို့ ထေရဝါဒ သာသနာ မျိုးဆက် ပြန့်ပွား၍ ကမ္ဘာသူကမ္ဘာသားတိုင်းအား ချမ်းသာမှု ကိုယ်စီ ဝေငှရန် မြန်မာတို့၌ သမိုင်း ပေး, ဘဝပေး တာဝန် ကျရောက်နေပြီ ဖြစ်သည် အားလျော်စွာ ထိုတာဝန်ကို လွယ်လင့်တကူထမ်းဆောင်ရန် မြန်မာတို့လက်ဝယ် စစ်မှန်သောဘဝမြင့်မားရေး ငြိမ်းချမ်းရေး နည်းပညာကောင်းများလည်း အဆင်သင့်ရှိနေကြောင်း ကောင်း စွာ ရှုမြင် သုံးသပ်ကြရာသည်။ ထေရဝါဒသာသနာ မြန်မာမှကမ္ဘာသို့ လက်ဆင့်ကမ်းရာ၌ ဤသီဟိုဠ် ခေတ် စံတော်ဝင် အရိယာများ သည်လည်း အားပေးထောက်ကူမှု ပြုပါစေခလို။ အသိမှန်ရ၍ ချမ်းသာကြပါစေ။ သူတော်ကောင်းဓာတ်၊တရားမြတ်၊လွှမ်းပတ် ကမ္ဘာ တည်ရမည်။ ၁၃၄၀-ပြည့်နှစ်၊ တပေါင်းလပြည့်နေ့၊ (၁၂-၃-၁၉၈၈) ဌေးလှိုင် ## PAGE 204 ကျမ်းအဖွင့် နမော တဿ ဘဂဝတော အရဟတော သမ္မာသမ္ဗုဒ္ဓဿ အပဏ္ဏက ပဋိပဒါ ကိန်းသေ ကြီးပွားချမ်းသာရေး လောက၌ သတ္တဝါတိုင်း၏ တူညီသော ဆန္ဒမှာ ကြီးပွား ချမ်းသာလိုခြင်းပင် ဖြစ်၏။ သို့သော် ကြီးပွားချမ်းသာအောင် ကြံစည် ပြောဆို လုပ်ကိုင်ကြရာ၌ကား တဦးနှင့်တဦး တူညီချင်မှ ထူညီကြပေလိမ့်မည်။ ဗုဒ္ဓရှင်တော်မြတ်၏ သဗ္ဗညုတဉာဏ်တော်အမြင်အရ သတ္တဝါ တိုင်း ကြီးပွားချမ်းသာရအောင် ညွှန်ပြတော် မူထားသည်မှာ ကားနည်းလမ်းသုံးခုသာလျှင် ရှိပေ၏။ ဒါန၊သီလ၊ဘာဝနာ၊ ပေးရခြင်း, ရှောင်ရခြင်းနှင့် ကျင့်ရခြင်းပင်တည်း။