## PAGE 298 “ကာဠကာရာမသုတ္တန်”ဟူသည် အင်္ဂုတ္တရနိကာယ် စတုက္ကနိပါတ်၌ ဘုရား ရှင်၏ ကျေးဇူးတော် ဂုဏ်တော် ဉာဏ်တော်များအကြောင်း ဟောကြားတော် မူထားသော သုတ္တန်ဖြစ်သည်။ [ကာဠကာရာမသုတ္တန်ကို ဟောတော်မူသော ကာဠဗုဒ္ဓရက္ခိတ မထေရ် သီတင်းသုံးတော်မူသည့် “ကာဠေဒကပေါက္ခရဏီသို့မဟုက် ကာဠသိလာပေါက္ခရဏီ ကျောက်ရေကန်နှင့် ၎င်းအနီး ကာဠတိမ္ဗရု ရုက္ခ=အထူးမည်းနက်သော ပင်စည်အဆင်းရှိသော တည်ပင်ပေါက်ရာ အရပ်လည်း ၎င်းမိဿက တောင်ခေါ် စေတိယ တောင်၏အနီး အနောက်တောင်ထောင့်အရပ်မှာ ရှိသည်’ဗုဒ္ဓသာသနိက ပဌဝီဝင်- ၁၇၀။ အဋ္ဌကထာ၌ “တိဿာ”ဟု သာမညဆို၏။ D.P.N. ၌ သဒ္ဒာ တိဿ ဖြစ်သင့်မည်ဟု ဆိုသည်။] တရားပွဲအပြီး တိုင်းပြည်ကို လှူဒါန်းခြင်း တိဿမင်းကြီးလည်း မထေရ်၏အလုပ်အကျွေး ရဟန်းငယ် အချိန်မီ လာ ရောက်သတင်းပေးသဖြင့်. မင်းလိုဏ်ဂူတော်မှ ထွက်လာကာ တရားပွဲပရိသတ် အစွန်၌ မထင်မရှားရပ်လျက် တရားနာယူနေ၏။ .. တရားပွဲမှာ ညတရားပွဲဖြစ်၍ မိုးလင်းသည်အထိ ဟောကြားသည်ကိုနာယူ ကြလေသည်။မထေရ်သည် မိုးလင်း၍ တရားလည်း ပြီးဆုံးသွားသဖြင့် ဣဒ’ မဝေါစ ဘဂဂါ= သိတော်မူ မြင်တော်မူသော၊ ဘုန်းတော်ကြီး သော မြတ်စွာဘုရား ဤသို့ဟောကြားတော်မူခဲ့ပါသူ့တည်း”ဟု တရားကို အဆုံး သတ်တော်မူလိုက်ရာ ပရိသတ်က သာဓုခေါ်ကြ၏။ ပရိသတ်အစွန်မှ နှစ်ခြိုက် လေးပင်စွာ သာဓုခေါ်သံတသံကို ကြားမိသဖြင့် သတိပြုတော်မူရာ တိဿဘုရင် မင်းမြတ်ဖြစ်ကြောင်း မထေရ်သိတော်မူလျှင်- မထေရ် ဒကာတော်မင်းကြီး...၊အဘယ်အချိန်ကစပြီး ရောက်နေပါသလဲ။ မင်းကြီး မှန်လှပါ…၊ အရှင်ဘုရား တရားအဖွင့်ဂါထာ ပြီးဆုံးစကပင် ရောက်ရှိနေပါတယ် ဘုရား။ (မင်းကြီးသည် ပရိသတ်အစွန်၌ တညလုံး မတ်တတ်ရပ်၍ တရားနာနေသည်ကို ရည်ညွှန်းလျက်—) မထေရ် … မင်းကြီး၊ အသင်မင်းကြီးဟာ လူသာမာန်တို့ ပြုနိုင်ခဲသော အမှုကို ပြုပါပေတယ်။ မင်းကြီး အရှင်ဘုရား….၊ ဤအမှုကား ပြုနိုင်ခဲသောအမှု မဟုတ်သေးပါ။ အရှင်ဘုရား တရားတော် ဟောသောအခါမှစ၍ မိုးသောက် ## PAGE 299 ကာလ အဆုံးကျအောင် ဟောသမျှတရားစကားများတွင် တလုံး တပါဒကိုပင်သော်မျှ သတိချွတ်ယွင်းကာ နှလုံးမသွင်းပဲ နေမိခဲ့ သော် ဤ သီဟိုဠ်ကျွန်းကြီး တခုလုံးကို မဆိုထားဘိ၊ လှံတံ တထောက်စာမျှ မြေအရပ်မှာပင် အစိုးရသောသူ မဖြစ်ပါစေ သား အရှင်မြတ်ဘုရား။(မင်းကြီးက ကျိန်ဆို၍ပင်လျှောက်ထား လေ၏။မထေရ်ဟောကြားသော သုတ္ထန်မှာလည်း ဘုရားရှင်၏ ကျေးဇူးတော် ဂုဏ်တော်များဖြစ်၍ လွန်စွာကြည်ညိုသဒ္ဓာစိတ် ပေါက်ကာ မထေရ်၏ ဒေသနာဉာဏ်စွမ်းနှင့် အနန္တကျေးဇူး ဂုဏ်တော်များကိုလည်း အဆန်းတကြယ် နာကြားလိုလှသဖြင့်) အရှင်ဘုရား..၊ မြတ်စွာဘုရားရှင်၏ ကျေးဇူးတော်ဂုဏ်တော် များဟာ ထိုမျှလောက်သာရှိပါသလား၊အခြားတပါးဂုဏ်တော် များ ရှိပါသေးသလား ဘုရား။ မထေရ် … မင်းကြီး…၊ ယခုဟောပြခဲ့သော ကျေးဇူးတော် ဂုဏ်တော်များ ထက် မဟောမပြရသေးသော ကျေးဇူးတော် ဂုဏ်တော်များက ပို၍ပင် များပြားစွာရှိ၍ အတိုင်းမသိဖြစ်ပေတယ် မင်းကြီး။ မင်းကြီး … အရှင်ဘုရား…၊ ဥပမာပြတော်မူပါဦး။ မထေရ် ကောင်းပြီ မင်းကြီး...၊ ဥပမာအားဖြင့် မင်းပယ်တထောင် (ဧကတသောင်းကျော်ခန့်) ကျယ်ဝန်းသော သလေးစပါးခင်း ထဲက သလေးစပါးနှံ့တခုမှာ ပါဝင်တဲ့စပါးထက် ကြွင်းသော စပါးက အတိုင်းအဆမရှိ များပြားသလို မဟောမပြရသေးတဲ့ ကျေးဇူးတော် ဂုဏ်တော်များဟာ ထိုဥပမာအတိုင်း မနှိုင်းယှဉ် သာအောင် များပါပေတယ် မင်းကြီး။ မင်းကြီး အရှင်ဘုရား….၊ ထိုမှတပါး အခြားဥပမာတခု ပြတော်မူပါဦး။ မထေရ် … မင်းကြီး၊ရေအယဉ်ပြည့် ကမ်းလုံးအိမျှ တည်ရှိနေတဲ့ ဂင်္ဂါမြစ် ရေများကို အပ်နဖားဝဖြင့် ခပ်ယူခဲ့လျှင် အပ်နဖားဝမှာပါလာတဲ့ ရေထက် ဂင်္ဂါမြစ်ထဲမှာ ကြွင်းကျန်နေစာ့ရေက များသလို၊ ယခု ဟောကြားခဲ့တဲ့ ကျေးဇူးတော် ဂုဏ်တော်ထက် မဟောကြားရ သေးတဲ့ ကျေးဇူးတော် ဂုဏ်တော်က အတိုင်းအဆမရှိ များပြား ပါပေတယ် မင်းကြီး။ မင်းကြီး အရှင်ဘုရား….၊ ထိုမှတပါး အခြားဥပမာတခုပြတော်မူပါဦး။ မထေရ် ကောင်းပြီ မင်းကြီး…၊ လောက၌ နွံစုတ်ငှက်ခေါ်တဲ့ သေးငယ် သော ငှက်တမျိုးရှိသည် မဟုတ်ပါလား မင်းကြီး။ ## PAGE 300 • မင်းကြီး မှန်လှပါ...၊ ရှိပါတယ် ဘုရား။ မထေရ် ထိုနှံစုတ်ငှက်ငယ် ကောင်းကင်မှာ မြူးထူးပျံလွှား ကျက်စားတဲ့ အခါ ထိုငှက်ငယ် အတောင်ပံ ဖြန့်လွှမ်းထားတဲ့ ကောင်းကင် နေရာက များသလား၊ အတောင်ပံ မဖြန့်လွှမ်းသေးတဲ့ နေရာက များသလား မင်းကြီး။ မင်းကြီး မှန်လှပါ…၊ နှံစုတ်ငှက်ငယ် အတောင်ပံ ဖြန့်လွှမ်းထားနိုင်တဲ့ နေရာက အနည်းငယ်မျှသာရှိ၍ မဖြန့်လွှမ်းမိနိုင်တဲ့ နေရာကသာ လျှင် များပြားလှပါတယ် ဘုရား။ မထေရ် … မင်းကြီး…၊ ထိုဥပမာအတိုင်းပင် ယခုဟောပြခဲ့တဲ့ ကျေးဇူးတော် ဂုဏ်တော်ထက် ဟောမပြရသေးတဲ့ ကျေးဇူးတော် ဂုဏ်တော် ကသာ အတိုင်းအဆမမြင် အဆုံးမထင်သော ကောင်းကင်ပမာလို များပြားလှပါပေတယ် မင်းကြီး။ မင်းကြီး အရှင်ဘုရား…၊အတိုင်းမသိသော ကောင်းကင်ဖြင့် နှိုင်းယှဉ်ကာ အလွန်ကောင်းမြတ်သောဥပမာကို မိန့်တော်မူနိုင်ပါပေတယ်။ ဒကာတော်သည် အရှင်မြတ်အား များစွာ ကြည်ညိုလှပါ တယ်။ အရှင်မြတ်တရားတော်နှင့်ထိုက်တန်အောင် တုံ့ ပြန်ပူဇော် နိုင်စွမ်းမရှိပါဘုရား။ ဤ သီဟိုဠ်ကျွန်းကြီးမှာ ယူဇနာ တရာ ရှိသော ရေမြေသနင်း မင်းအဖြစ်ကို အရှင်မြတ်အား ပေးလှူ ပါတယ်ဘုရား။ ပါ ဤကား ဆင်းရဲလှစွာသော တကာတော်ရဲ့ တရားအလှူတော် ဘုရား။ မထေရ် မြတ်သော ဒကာတော် မင်းကြီး…. ဤကိစ္စကား ဒကာတော် မင်းကြီး ကြည်ညိုသောအခြင်းအရာ သဒ္ဓာဆန္ဒအလျောက် ပြုလုပ် ခြင်း ဖြစ်ပါပေတယ်။ အကျွန်ုပ်တို့ကလဲ ဒကာတော်မင်းကြီး ပေးလှူသော မင်း အဖြစ်ကို ဒကာတော် မင်းကြီးအားသာ ပြန်လည် နှင်းအပ်ပါ တယ်။ ဒကာတော်မင်းကြီးကသာ တရားနှင့်လျော်စွာ မင်းပြုမြဲ ပြုစေချင်ပါတယ်။(မ-ဋ္ဌ-၂၊၁ ၉၄-၆။မဟာသစ္စကသုတ်အဖွင့်။)