## PAGE 415 ကိုယ်ထီလက်ရောက် ထထကြွကြွလုပ်ခြင်းကို ‘ကာယိကဝီရိယ’ ခေါ်၍ “ရဟန္တာ မဖြစ်သမျှ ဒီနေရာက မထွက်တော့ဘူး၊ ဒီတင်ပျဉ်ခွေကိုမဖျက်တော့ဘူး ဟု .စိတ်ကို အခိုင်အမာ စွဲစွဲမြဲမြဲ စောက်ချလိုက်ခြင်းကို စေတသိကဝီရိယ” ခေါ်သည်။ “အသွေး၊ အသားတွေအားလုံး ခြောက်ခန်းပြီး အရိုးပေါ် အရေတင် အကြောအခြင်မျှသာ ကျန်ချင်ကျန်ပါစေ”ဟု ဝီရိယသမ္မပ္ပဓာန်ပြင်းထန်သော လုံ့လရှိမှသာလျှင် ထိနမိဒ္ဓစသော ကိလေသာနီ၁ရဏများ လွင့်ပါးပျောက်ပျက် စေနိုင်သည်။ ဝီရိယတွေ ဘာလုပ်ဖို့ ချန်ထားမလဲ ယောဂီသည် မိမိသန္တာန်၌ ပြဆိုပြီး ဝီရိယဓာတ်များ (ဝီရိယသမ္ဗောဇ္ဈင်) ဖြစ်ပေါ်အောင် နှလုံးသွင်းနည်း (ဝီရိယထုတ်လုပ်နည်း) ၁၁-မျိုးရှိရာ လျော် သလိုဆင်ခြင်၍ အားဖြည့်ပင့်မြောက် ထိုးတင်၍ ပေးတန်ပေးရသည်။ ၁၁-မျိုးကား- ၁။ အပါယ်လေးပါးနှင့် ဝဋ်ဆင်းရဲ၌ခံရမည့် ဘေးများကို ဆင်ခြင် ရခြင်း၊ ၂။ “ပျဉ်းရှိသူသည် လောကုတ္တရာကိုးပါး တရားထူးများကို မရနိုင်၊ အပြင်းအထန်အားထုတ်သူမှသာ ရနိုင်သည်’ဤသို့ ဝီရိယအကျိုး ကို ဆင်ခြင်ခြင်း၊ ၃။ “ဘုရားပစ္စေကဗုဒ္ဓာ မဟာသာဝကတို့ သွားသော လမ်းအတိုင်း ါသွားသင့်သည်၊ ထိုလမ်းကိုလည်း လူပျင်းတို့ မသွားနိုင်”ဟု အကျင့်လမ်းစဉ်ကို ဆင်ခြင်ခြင်း၊ C ၄။ ဒကာတို့၏ကောင်းမှုအကျိုးကြီးအောင် ပြုလုပ်ပေးခြင်းအားဖြင့် ဆွမ်းကို တုံ့ ပြန်ပူဇော်ခြင်း၊ ၅။ “ငါ၏ဆရာမြတ်စွာဘုရားရှင်သည် ဝီရိယ၏ ဂုဏ်ကျေးဇူးကိုအမြဲ ချီးကျူး အားပေးတော် မူသည်၊ ငါသည် ဘုရား အဆုံးအမကို မဖောက်ဖျက်သင့်၊ မြတ်စွာဘုရားကား ငါတို့အပေါ် ကျေးဇူး များလှပါပေ၏။ထိုကျေးဇူးတော်ကို အာမိသပစ္စည်းဖြင့် ဆပ်၍ ပူဇော်ရာမရောက်၊တရားအကျင့်ဖြင့် ဆပ်မှသာလျှင် ကောင်းစွာ ပူဇော်ရာ ရောက်ပေသည်”ဟု မြတ်စွာဘုရား၏ မြင့်မြတ်ပုံကို ဆင်ခြင်ခြင်း၊ ## PAGE 416 ၆။ “ငါ့မှာသူတော်ကောင်းကြီးများ၏ တရားအမေ့ကိုရမှ ဖြစ်မည်၊ ထိုအမေ့ကိုလည်း ပျင်းရှိ ပေါ့လျော့သူတို့မရနိုင်’ ဟု သူတော် ကောင်းတရားအမွေ၏ မြင့်မြတ်ပုံကို ဆင်ခြင်ခြင်း၊ ၇။ တွေ့မြင်ဖူးသော အလင်းရောင်ကို ပြန်လည်နှလုံးသွင်းခြင်း၊ ဣရှိ ယာပုထ်ပြောင်းလဲပေးခြင်း၊ ဟင်းလင်းအပြင်၌ နေခြင်းစသည် တို့ဖြင့် ထိနမိဒ္ဓကို ပယ်ဖျောက်ခြင်း (မိလက္ခတိဿထေရ်အခန်း ကိုလည်းပြန်ကြည့်ပါ။ ဝိသုဒ္ဓိမဂ်-၁၊ ၁၂၈-မှတပါးသောအခြား အဋ္ဌကထာတို့၌ “ဥက္ကာကရာဇ်နွယ်ဖွား ဘုရားသားတော် ဖြစ်၍ ပျင်းရိမနေသင့်ကြောင်း' မိမိ၏အမျိုးဇာတ်မြင့်မြတ်ပုံ ဆင်ခြင် ရန်ပြ၏။) ဂ။ ဝီရိယနည်းသောလူပျင်းများနှင့် မပေါင်းသင်း မမှီဝဲရခြင်း၊ ၉။ ဝီရိယစွဲမြဲ၍ ဇွဲကောင်းသူနှင့်ပေါင်းသင်းမှီဝဲရခြင်း၊ ၁၀။ သမ္မပ္ပဓာန်၏အကျိုးကိုဆင်ခြင်ခြင်း၊အခြားအဋ္ဌကထာတို့၌ အရှင် သာရိပုတ္တရာစသော သီတင်းသုံးဖော်တို့၏ မြင့်မြတ်ပုံဆင်ခြင်ရန် ပြ၏။ ၁၁။ ဝီရိယသမ္ဗောဇ္ဈင်၌ စိတ်ညွှတ်ခြင်းတို့ ဖြစ်ကုန်၏။ (ဝိသုဒ္ဓိ-၁၊ ၁၂၈။ ဒီ-ဋ္ဌ-၂၊ ၃၇ဂမ-ဋ္ဌ-၁၊ ၂၉၇။ သံ-ဋ္ဌ-၃၊ ၁၉၅။အံ-ဋ္ဌ- ၁၊ ၃၉၂။ဝိဘင်္ဂ-ဋ္ဌ၊ ၂ ၆၅။) ဤပြဆိုပြီးဝီရိယတက်ကြောင်း နည်းလမ်းကောင်းများကို အသုံးချ၍သူ တော်ကောင်းတရားကိုမလျှော့သောဇွဲဖြင့်ကြပ်ကြပ်အားခဲကြကုန်ရာ၏။ (ကျွန်ုပ် တို့ ရေးသားခဲ့ပြီးသော ရတနာသုံးပါးကျေးဇူး အတုမရှိ ဂုဏ်တော်ဖွင့်လာ “နတ္ထိဆန္ဒဿဟာနိ၊နတ္ထိ ဝီရိယဿ ဟာနိ” ဂုဏ်ဓဘော်အဖွင့်များကို ကြည့်ရှုပါလျှင် လည်း ယောဂီအတွက်တွန်းအားများရရှိနိုင်ပါသည်။) ကျေးဇူးရှင် ဝေဘူဆရာတော်ဘုရားကြီးကား’“ဝီရိယတွေ ရှိနေသေး တယ်။ ဘာလုပ်ဖို့ချန်ထားကြတာတုံးဗျာ့”ဟု အမြဲဆုံးမလေ့ ရှိပါသည်။ န ယိဒံ သိထိလ'မာရမ္ဘ၊ န ယိုး အပ္ပန ထာမသာ။ " နိဗ္ဗာနံ အဓိဂန္တဗ္ဗ၊ သဗ္ဗဒုက္ခပ္ပမောစနံ။ ။ “ရဟန်းတို့…၊ ဒုက္ခအားလုံးက လွတ်မြောက်ရာနိဗ္ဗာန်ကို လျော့လျော့ လျဲကျဲ အနည်းငယ်သောအားစိုက်ရုံမျှ ကြိုးစားကြရုံနှင့် ရနိုင်သည်မဟုတ်ချေ။” (သံ-၁၊ ၄၆၆-နိဒါနသံယုတ်-နဝသုတ်။) ## PAGE 417 သိထိလော ဟိ ပရိဗ္ဗဇော၊ ဘိယျော အာကိရတေ ရ ံ။ “ရဟန်းတို့…၊ လျော့လျဲလျဲလုပ်သော ယောဂီသည်ပို၍သာ ရှုပ်ထွေးလာ တတ်သည်” (ဓမ္မပဒ။) ဝိရိယဖြစ်ကြောင်း ရှစ်မျိုး (ဝီရိယာရမ္ဘ·ဝတ္ထု) ဝီရိယဖြစ်ပေါ်အောင် စိတ်ထားနည်းရှစ်မျိုးကို ဘုရားရှင် ဟောတော် မူထားသည်ကိုလည်း (သင်္ဂီတိသုတ်-ဒီ-၃၊၂၁၂။အံ-၃။ ၁၄၇။ မဟာဋီကာ-၂၊ ၁ ၄ ၁)တွေ့ရှိရပေသည်။ ၁။ ပြုလတ္တံ့သောအမှုကိစ္စကိုရည်ညွှန်း၍ “ငါ့မှာ လုပ်စရာကိစ္စသစ် တခုပေါ်လာရန်ရှိနေတယ်။ပေါ်လာလျှင် ဒီအလုပ်မပြီးပဲ ရှိလိမ့် မည်။ယခုတဲက ပြီးအောင်လုပ်ထားနှင့်မှ တော်မယ်”ဟု နှလုံး သွင်း၍လုပ်ရခြင်း၊ " ၂။ ပြုပြီးကိစ္စကိုရည်ညွှန်း၍ “ငါ့မှာ ကိစ္စသစ်တခု ပေါ်လာလို့ လုပ် နေကျအလုပ်လစ်ဟင်းခဲ့ရတယ်။ ယခုတော့ထိုကြားဖြတ်အလုပ်လဲ ပြီးသွားပြီ။ ယခုပိုပြီးကြိုးစားလိုက်ဦးမှ”ဟု လုပ်နေကျအလုပ်ကို မဲတင်းလုပ်ခြင်း၊ ၃။ ခရီးသွားမှုနှင့်စပ်၍ “ငါ့မှာ ခရီးသွားရန်ရှိနေတယ်၊ သွားယင် ဒီအလုပ်ပျက်လိမ့်ဦးမယ်၊ ခုတဲက ကြိုးစားလုပ်ထားမှ” ဟု ဆင် ခြင်၍ လုပ်ရခြင်း။ " ၄။ သွားပြီးခရီးနှင့် စပ်၍ “ငါ့မှာ ခရီးသွားလို့တော့ ပြီးသွားပြီ၊ အလုပ်များလစ်ဟင်းခဲ့တာ ကြိုးစားပြီး လုပ်ရဦးမှ”ဟု လုပ် ရခြင်း၊ ၅။ ဖြစ်ဆဲရောဂါကိုအကြောင်းပြု၍ “ငါ့မှာ မကျန်းမာစ ပြုနေပြီ။ သည့်ထက်ဆိုးလာယင် ဒီအလုပ်မလုပ်နိုင်ပဲ ရှိတော့မယ်။ ခုတဲက ကြိုးစားပါမှ တော်ကာကျမယ်”ဟုနှလုံးသွင်း၍ လုပ်ရခြင်း၊ " ၆။ ကျန်းမာစအခြေအနေကိုကြည့်၍ “ငါယခုနေကောင်းစပြုလာပြီ၊ မကျန်းမာလို့ လစ်ဟင်းခဲ့ရပြီ။ယခုတိုးပြီး ကြိုးစားလိုက်ဦးမှ”ဟု ဆင်ခြင်၍လုပ်ရခြင်း၊