## PAGE 469 ကိုရင်တိဿလည်း မိမိပြုလုပ်သော လိုဏ်ဂူအသစ်၌ ဝင်ရောက် နေထိုင် ရလေ၏။ စိတ်ကလည်း ဝမ်းသ, သပ္ပာယလည်း မျှတသဖြင့် ကသိုဏ်း သမာဓိ ကို အခြေပြု၍ ဝိပဿနာ ရှုပွားရာ ထိုနေ့မှာပင် အရဟတ္တဖိုလ်သို့ ရောက်တော် မူ၏။ ကာမဝိတက်ကို အောင်နိုင်၍ ကိုရင်တိဿမှသည် တိဿ မထေရ်ကြီး အဖြစ်သို့ပင် ရောက်လာကာ ထိုလိုဏ်ဂူ၌ပင် ပရိနိဗ္ဗာန်ဝင်သည်အထိ သီတင်း သုံးတော်မူသွားရလေသည်။ ထိုနေရာ၌ သာသနာ့ မော်ကွန်းတင်ကာ “တိဿ ထေရစေတီ”ဟူ၍ပင် ယခုတိုင် ဖူးတွေ့ရလေသတည်း။ (မ-ဋ္ဌ-၁၊ ၃၉၅-ဝိတက္က ၂ သဏ္ဌာနသုတ်အဖွင့်။) သင်္ကန်းဝိတက် နှိပ်စက်၍ အမှိုက်ပုံ ရှိခိုးသော ပံ့သုကူ ထေရ် ပံ့သုကူမထေရ် တပါးသည် လူတို့ စွန့်ပစ်ထားသော အဝတ်စုတ်များကို ကောက်ယူချုပ်စပ် လျှော်ဖွပ်ဆိုးသော ပံ့သုကူသင်္ကန်းကိုသာ ဝတ်ရုံတော်မူလေ့ ရှိရာ လက်ရှိသင်္ကန်းမှာ ဝတ်ရုံ၍မရအောင် ရှိပွတ်စုတ်ပြဲနေ၏။ ပံ့သုကူသင်္ကန်း အသစ်တထည် လိုနေသဖြင့် စိတ်ကြောင့်ကြမှု ဖြစ်နေ ရ၏။ တနေ့တွင် “သံဃာတော်အများ သီတင်းသုံးတဲ့ အရပ်ဒေသမျိုးမှာ ဆိုယင် လွယ်လင့်တကူ ရှာဖွေ ရရှိတန်မကောင်းရဲ့” ဟု စိတ်ကူးလျက် စေတီယတောင် ဘုရားများဖူးမြော်အပြီး မဟာဝိဟာရ ကျောင်းတိုက်ကြီးဘက်သို့ ကြွတော်မူ၏။ ကျောင်းတိုက်ကြီးထဲသို့ ရောက်လျှင် သံဃမထေရ်ကြီးအား သွားရောက် ဝတ်ပြု ပန်ကြားပြီးလျှင် ကျောင်းတကျောင်း၌ တည်းခိုနေထိုင်လေ၏။ နောက်တရက်နံနက်တွင် သင်္ကန်းအဟောင်းကလေးကိုကိုင်၍ သံဃမထေရ် ကြီးထံ သွားရောက်ကန်တော့ရာ’ ဘုရား။ " " " “ငါ့ရှင်…၊ ဘာကိစ္စရှိသလဲ။” “မှန်လှပါ…၊ မြို့တံခါးဘက် ခဏသွားဖို့ လာကန်တော့တာပါ အရှင် “အိမ်း…အတော်ပဲ၊ တပည့်တော်များလဲ အဲဒီသွားဖို့ပဲ”ဟု သံဃမထေရ် ကြီးက မိန့်တော်မူ၍ နှစ်ပါးအတူ ကြွကြရလေ၏။ မထေရ်ကြီးမှာ ရှေ့ဆက် ကြွသွားသော်လည်း ပံ့သုကူမထေရ်မှာ မဟာဗောဓိတံခါးပေါက်သို့ ရောက်လျှင် မထေရ်ကြီးအား ပန်ကြားပြီး ရပ်နေရစ်ခဲ့၏။ ## PAGE 470 “အင်း..ဒီနေရာဒေသကတော့ ဘုန်းရှင်ကံရှင်တွေနေတဲ့ အရပ်ပဲ၊ သင့်သင့် တန်တန် အဝတ်စများ ရတန်ကောင်းပါရဲ့”ဟု စိတ်ကူးလျက် တံခါးဝ၌ တောင် မြောက် လေးပါးကြည့်၍ ရပ်နေစဉ်- “ဪ….ငါ့စိတ်ကူးတွေ ယုတ်ညံ့လိုက်တာ”ဟု ရုတ်တရက် သတိရကာ ထိုနေရာမှ လှည့်ပြန်၍ မဟာဝိဟာရသို့ကြွလေ၏။ မိမိတရားအာရုံနှင့် သွားရမည် ကို မသွားနိုင်ပဲ ရှိလေသည်။ နောက်ရက်များတွင်လည်း, အမ္မင်္ဂဏအနီး၊ နောက် မဟာစေတီ မြောက် ဘက်မုခ် စသော လူသူစည်ကား အသွားအလာ များသော နေရာဌာနများသို့ တရက်ပြီးတရက် အဝတ်စုတ် ကောက်ယူရှန် ကြွလေရာ မိမိစိတ်ထဲ၌ ဖြစ်ပေါ် နေသော ဝိတက်= စိတ်ကူးအကြံများ မမှန်ကန် မသန့်ရှင်းသည်ကို သတိရ၍ချည်း လေးကြိမ်တိုင်တိုင် တည်းခိုရာကျောင်းသို့ ပြန်ရလေသည်။ လေးရက်မြောက်သောနေ့တွင် သံဃမထေရ်ကြီးထံ သွားရောက်ဦးချရာ သံဃမထေရ်ကြီးက’ “အင်း….ဒီမထေရ် မစင်ကြယ်သော သင်္ကန်းဝိတက် နှောင့်ယှက်ခံနေရမှ ကော”ဟု သိတော်မူ၍ သင်္ကန်းတထည်ယူဆောင်ကာ ပံ့သုကူမထေရ်အား နောက် ပါ ခေါ်၍ မြို့ဘက်သို့ ကြွတော်မူ၏။ တလမ်းလုံး ဝိတက်ဖြေ တရားစကားများ မေးကာဖြေကာ ကြွကြစဉ် မြို့အဝင်ဝသို့ ရောက်သောအခါ အညစ်အကြေးများ စွန့်ပစ်ထားသော အမှိုက်ပုံကြီးတပုံထဲ၌ ယင်တရုန်းရုန်းနှင့် မစင်ကျင်ကြီးများ ပေကျံနေသဖြင့် လျှော်ဖွတ်၍ပင် မကောင်းတော့သော ပုဆိုးဟောင်းတထည် ပစ်ထားသည်ကို တွေ့ရလေသည်။ ပံ့သုကူမထေရ်လည်း မထေရ်ကြီးအနားမှ ဖဲခွာ၍ အမှိုက်ပုံကြီး အနီးသို့ သွားကာ မစင်ကျင်ကြီးများ ပေလူး၍ ယင်မဲရိုင်းကောင်ကြီးများဖြင့် တရုန်းရုန်း နံစော်နေသော ပုဆိုးစုတ်ကို မကောက်ယူသေးပဲ မတ်ဘတ်ရပ်လျက် ရှိခိုးနေ လေ၏။ သံသမထေရ်ကြီးလည်း အနားသို့ ရောက်လာကာ- " “ငါ့ရှင်…၊ ဘယ့်နှာကြောင့် အမှိုက်ပုံကြီးကို ရှိခိုး နေရတာလဲ” ဟု မေးတော်မူလျှင် “မှန်လှပါ အရှင်ဘုရား…၊ ဘုရားတပည့်တော်များ အမှိုက်ပုံကို ရှိခိုးနေ ခြင်း မဟုတ်ပါ။ တပည့်တော်များရဲ့ ဖခမည်းတော် မြတ်စွာဘုရားရှင်ကို ရှိခိုးခြင်း ဖြစ်ပါတယ်။” " “ဘယ်လိုကြောင့်လဲ။” " “မှန်လှပါ…၊ တပည့်တော်တို့ရဲ့ အတုမရှိ ဖခမည်းတော်တောင်မှ ပုဏ္ဏ ကျွန်မရဲ့ အလောင်းကောင်ကို ပတ်ထားတဲ့ ပံ့သကူအဝတ်ကို တပြည်သားလောက် ရှိတဲ့ ပိုးလောက်များကို ခါယမ်းပြီး သုသာန်က ပံ့သုကူသင်္ကန်း ကောက်တော်မူရ ## PAGE 471 သေးတယ်။ ငါယခု မစင်များပေနေတဲ့ ပံ့သုကူကို အလွယ်တကူ ကောက်ယူရတာ ထက် အံ့ဖွယ်သရဲ ခက်ခဲလှပါသေးကလားလို့ ကြည်ညိုသတိရ ဝမ်းမြောက်လှလို့ ရှိခိုးရကြောင်းပါဘုရား။ မမူပဲ’ ,, . သံဃမထေရ်ကြီးလည်း သာဓုခေါ်ကာ မည်သို့မျှ ဆက်လက် မိန့်တော် “ငါ့ရှင် ပံ့သုကူ မထေရ်ရဲ့ သင်္ကန်းဝိတက်ဟာ စင်ကြယ် မြင့်မြတ်လှပါ တကား'ဟုသာ စိတ်ထဲက ချီးမွမ်းတော် မူမိလေ၏။ ပံ့သုကူမထေရ်လည်း စင်ကြယ်သန့်ရှင်းသော သင်္ကန်းဝိတက်မှ ရရှိလာ သည့် ဗုဒ္ဓာနုဿတိ ပီတိကို အခြေခံ၍ ဝိပဿနာရှုပွားရာ ထိုနေရာ၌ပင် အနာဂါမ် ဖြစ်တော်မူ၏။ ပြီးလျှင် ပံ့သုကူပုဆိုးစုတ်ကို ကောက်ယူချုပ်ဆိုးပြီး ထိုသင်္ကန်းကို ဝတ်ရုံကာ ပါစိနခဏ္ဍရာဇိအရပ်သို့ ကြွသွားပြီးလျှင် ဆက်လက်၍ တရားအားထုတ် တော် မူရာ ရဟန္တာဖြစ်တော်မူလေသည်။ (အံ-ဋ္ဌ-၂၊ ၂၇၈-စတုက္က အရိယဝံသ သုတ် အဖွင့်။ ဒီ-ဋ္ဌ-၃၊ ၁၉၃။) ပစ္စည်းလေးပါး၌ ရသမျှနှင့် ရောင့်ရဲရခြင်း၊ ဘာဝနာအလုပ်၌ မွေ့လျော် နိုင်ခြင်း ဟူသော “အရိယဝံသ” တရားလေးပါးသည် ပိဋကသုံးပုံကို ခြုံမိငုံမိသော တရားဖြစ်ရာ သီဟိုဠ် သာသနာ ခေတ်တွင် ဟောပြော နာယူခြင်း များပြား၍ ထိုတရားတပုဒ်ဖြင့် နိဗ္ဗာန်ရသူ များလှပေကုန်ပြီ။ ဝိတက်ပယ်ဖျောက်နည်း ၅ မျိုး တရားအားထုတ်သော(အထူးသဖြင့် အားထုတ်စ)ပုဂ္ဂိုလ်များ၌ ပထမဆုံး လာသော ရန်သူမှာ ဝိတက်သုံးမျိုးပင်ဖြစ်၏။ ၁။ ၅။ ၃။ ကာမဝိတက် သတ္တဝါနှင့် အရာဝတ္ထု (သင်္ခါရ)တခုခု၌ ရလိုမှု၊ နှစ်သက်မှုနှင့်စပ်သော အကြံအစည် စိတ်ကူး၊ ဗျာပါဒဝိတက် မိမိနှင့်စပ်၍ဖြစ်စေ၊ သူတပါးနှင့်စပ်၍ ဖြစ်စေ၊ ရာသီဥတုစသော တစုံတခုသော အရာဝတ္ထုကြောင့် ဖြစ်စေ၊ စိတ်ဆိုး၊ စိတ်ပျက်၊ အလိုမကျ၊ ဆုတ်နစ် ကြောက်ရွံ့ခြင်း။ တဘက်သားအား ပျက်စီးစေလိုခြင်းနှင့်စပ်သော အကြံအစည်၊ စိတ်ကူး၊ ဝိဟိံသာဝိတက် သူတဘက်သားအား နှိပ်စက် ဒုက္ခပေးလိုသော အကြံအစည်၊ စိတ်ကူး၊