## PAGE 472 ယောဂီသည် ထိုစိတ်ကူးများကို ဖျောက်ဖျက်ပစ်မှ ရွှေ့သို့ တရားတက် နိုင်သည်။ ပထမလုပ်စတွင် ထိုစိတ်ကူးများနှင့် နပန်းလုံးနေရတတ်၏။ ယင်းတို့ကို ပယ်နိုင်ရန် မြတ်စွာဘုရားရှင် မူလပဏ္ဏာသ ဝိတက္ကသဏ္ဌာနသုတ်၌ နည်းပေးတော် မူခဲ့သည်။ နည်းကား ၅-နည်းရှိ၏။ ၁။ အစားထိုးဖျောက်နည်း(အညနိမိတ္တပဗ္ဗ)-သတ္တဝါနှင့်စပ်၍ လိုချင် နှစ်သက်မှု စိတ်ကူးဝင်လာလျှင် အသုဘနှလုံးသွင်း၊ အရာဝတ္ထုနှင့် စပ်လျှင် အနိစ္စသဘော နှလုံးသွင်း၊ သတ္တဝါနှင့်စပ်၍ ဒေါသ စိတ်ကူးဝင်လာလျှင် မေတ္တာ၊အရာဝတ္ထုအတွက် ဓာတ်နှလုံးသွင်း၊ မောဟနှင့်စပ်၍ဖြစ်လျှင် ဆွေးနွေးမေးမြန်း။ (သို့မဟုတ် စိတ်သန်ရာ ကမ္မဋ္ဌာန်းတခုခုကို ဖိဖိစီးစီး ရှုမှတ်၍ ပယ်ဖျောက်လျှင်လည်း ပြေပျောက်နိုင်ပါ၏။) ၂။ အပြစ်ရှုဖျောက်နည်း (အာဒီနဝပဗ္ဗ)- ကာမဝိတက် လေ၁ဘ အတွက် စက်ဆုပ်ရွံရှာဖွယ်၊ ခန္ဓာကိုယ်နှင့် လောဘအပြစ်ဆင်ခြင်၊ ဗျာပါဒ ဒေါသအတွက် “စိတ်ဆိုးသူကို ပြန်လည် စိတ်ဆိုးလျှင် မင်း ပိုပြီး ယုတ်မာရာ ရောက်တော့မပေါ့' စသည်ဖြင့် ဒေါသ အပြစ် ဆင်ခြင်။ ၃။ မေ့ဖျောက်ရှောင်လွှဲနည်း ( အသတိပဗ္ဗ)- ဝိတက်ကို မေ့ဖျောက် ထားပြီး ရသမျှတရားစာများကို စိတ်ပါလက်ပါ ရွတ်အံခြင်း၊ ဘုရားတရား ဂုဏ်တော်များ ရေးထားသော အိတ်ဆောင်စာအုပ် (မုဋ္ဌိပေါတ္ထက)ကို ရွတ်ဖတ်ခြင်း၊ စူလာနဖာ တောက်တိုမယ်ရ အသုံးအဆောင်များကို စိတ်ပြေလက်ပျောက် ကောက်ယူကြည့်ရှု စစ်ဆေးခြင်း၊ သင်္ကန်းချုပ်ခြင်း စသည်ဖြင့် အပြစ်မရှိသော အလုပ်ကလေးများ လုပ်ခြင်း။ (ဝိတက်ပျောက်သွားသော်လည်း လက်စတန်းလန်း ကျန်နေမည့် နဝကမ္မကြီးမျိုးကိုမူ မလုပ်ရ။ ကိုရင်တိဿမှာမူ စရိုက်ကိုကြည့်၍ ပေးခြင်းဖြစ်သည်။ သို့မဟုတ် ပူးတွဲလုပ်နိုင်မှသာ လုပ်သင့်သည်။) ၄။ အကြောင်းရင်း ရှာဖွေဖျောက်နည်း (ဝိတက္က မူလဘေဒ ပဗ္ဗ) ဖြစ်ပေါ်လာသော စိတ်ကူး၏ မြစ်ဖျားခံရာ အကြောင်းများကို ဆင့်ကာဆင့်ကာ ရှာဖွေထုတ်စစ်၍ ကြည့်ခြင်း၊ ဥသျှစ်ပင်အောက်နေသော ယုန်သူငယ် ဥသျှစ်သီးကြွေကျသည်ကို မြေပြိုသည်ထင်၍ ကြောက်လန့်ပြေးရာမှ ဆင်ကြီးများပါမကျန် တိရစ္ဆာန်များအားလုံး ဦးတည့်ရာ ပြေးကြစဉ် ဘုရားလောင်း ## PAGE 473 ၄ ၃.ဝ " ခြင်္သေ့မင်းက ယုန်သူငယ်ကို နှစ်သိမ့်စေ၍ ခေါ်ဆောင်ကာ အပင် ရင်းသွားပြီး ယုန်ဝပ်သောနေရာ၊ကြွေကျသော ဥသျှစ်သီး၊အပင် ပေါ်ရှိ အညှာ စသည်တို့ကို ထောက်ပြ၍ (အကြောင်းရှင်း ရှာဖွေ၍)မြေပြိုသော အထင်မှား အတွေးမှားကို ဖယ်ရှားပေး သကဲ့သို့ အကြောင်းရင်းရှာ၍ ဖျောက်ရခြင်း၊ ၅။ ဖိနှိပ်အံကြိတ်၍ ဖျောက်နည်း (အဘိနိဂ္ဂဏှနပဗ္ဗ)အရိုးကြေကြေ၊ အရေပြတ်ပြတ် အင်နှင့်အားနှင့် ဖိနှိပ်အံကြိတ် တောက်ခေါက်၍ မနိုင်နိုင်အောင် ဖျောက်ခြင်း။ ဘုရားအလောင်းတော်သည် ဒုက္ကရှစရိယာကျင့်စဉ် ထိုသို့ပင် အံကြိတ် တောက်ခေါက်၍ မရမနေ အသေအလဲ ပယ်ဖျောက်တော်မူခဲ့၏။ သို့ရာတွင် အလောင်းတော်၌ ထို ဝိတက်ကြမ်းကြီးများ မရှိချေ။မိမိသင်္ခမ်းကျောင်းကလေးမှ နေ၍ နေရဉ္စရာမြစ်ဆီသို့ လှမ်းမျှော်ကြည့်စဉ် သာယာသော တောရိပ်တောင်ရိပ် သားသမင်၊ ငှက်များနှင့် စိမ်းညိုသော ရေပြင်ကို မြင်ရရာ “ဪ…တယ်ပြီး သာယာလှပါကလား”ဟု စိတ်ကူးမိသော “ကာမဝိတက် အငယ်စား၊အပူအအေး ဒဏ် စသည်ကြောင့် ရံခါ အနည်းငယ် စိတ်လှုပ်ရှားမိသော “ဗျာပါဒဝိတက်” အငယ်စားနှင့် သင်္ခမ်းကျောင်းပတ်ဝန်းကျင်တွင် မြင်တွေ့ရသည့် ကြီးနိုင်ငယ် ညှဉ်းနေသော သတ္တဝါတို့အပေါ်၌ သနားရခြင်း (စိတ်ပင်ပန်းရခြင်း)လောက် ကိုပင် “ဝိဟိံသာဝိတက်”ဟု ခေါ်ဆိုရသည်။ကြမ်းတမ်းသောဝိတက်များ မရှိချေ။ သို့သော်လည်း ထိုအနုစားများကိုပင် အံကြိတ်တက်ခေါက်ကာ ဖြေဖျောက်တော် မူလေသည်။(မူလပဏ္ဏာသ ဒွေဓာဝိတက္ကသုတ်နှင့် ဝိတက္ကသဏ္ဌာနသုတ် မြန်မာပြန် များကို ဖတ်ရှုပါ။) လောက၌ ယင်းသို့သော ဝိတက်များ ဖြစ်နေသည်ကိုပင် အကြံကောင်း သည်၊ ဉာဏ်ကောင်းသည်၊ အတွေးအခေါ်ရင့်ကျက်သည်ဟုဆိုကာ ဉာဏ်ပညာဟု ထင်နေကြ၏။ထိုအတွေးအခေါ် စိတ်ကူးများဖြင့် ဘာတခုမျှ အမှန်ဆုံးဖြတ်ချက် မချနိုင်ပဲ “ဟိုလိုလား၊ ဒီလိုလား ဖြစ်နေသော ဝိစိကိစ္ဆာကိုပင် သုတေသန ပညာဟု ထပ်ဆင့်၍ အထင်ရောက်ကြပြန်လေ၏။ ပေသည်။ ဝိတက်သဲ ပုံကြီးသမိုင်း “ဥရုဝေလ’ဟူသည် ` အဆမတန် များပြားလှသော သဲပုံကြီးဟု ဆိုလို ထိုသဲပုံ သဲသောင်ကုန်းကြီး ဖြစ်လာပုံမှာ စိတ်ဝင်စားဖွယ် ကောင်းလှ၏။ လူသားတို့၏စိတ်ကို သာဓကတင်နေသောမော်ကွန်းတိုင်ကြီးလည်း ဖြစ်လေသည်။ ## PAGE 474 . ၄ ၃ ၁ ဘုရားမပွင့်မီက ထိုဒေသ၌ ရသေ့သူတော်ကောင်းတသောင်းတို့ နေထိုင်ခဲ့ ကြ၏။တနေ့သောအခါ ရသေ့များ စည်းဝေးကာ ဆုံးဖြတ်ချက် ကတိကဝတ် တခု သတ်မှတ်ကြလေသည်။ " “ငါ့ရှင်တို့…၊ ကာယကံနှင့် ဝစီကံ ကျူးလွန်မှုဟာ တပါးသူတို့ သိနိုင် အောင် ထင်ရှားတယ်။ စိတ်ထဲမှာတွင် ဖြစ်နေတဲ့ မနောကံ ပြစ်မှားမှုဆိုတာ မထင်ရှားဘူး။ ကာယကံရှင် တယောက်ပဲ သိနိုင်တယ်။ ဒါ့ကြောင့် အကြင်သူဟာ ကာမဝိတက်, ဗျာပါဒဝိတက်, ဝိဟိ ံသာဝိတက် စိတ်ကူးများကို ကြံစည် စိတ်ကူး မိလျှင် ထိုစိတ်ကူးအကြံ မနောကံ အပြစ်ကို ထိုသူအား အခြားသူ တဦးဦးက ပြောဆိုညွှန့်ပြ ဖော်ထုတ်ဆုံးမလို့ မရနိုင်ဘူး။ “ထိုမနောက် အကြံစိတ်ကူးပြစ်မှုကျူးလွန်တဲ့သူဟာ မိမိဘာသာမိမိ ဖော်ထုတ်ဆုံးမ၍ စိတ်ကူး အကြံဖြစ်တိုင်းဖြစ်တိုင်း ဤနေရာမှာ(နေဉ္စရာမြစ်ထဲက) သဲများကို ဖက်နှင့် ထုပ်ယူပြီး ဒဏ်ထမ်းကြရမယ်” ဟု ကတိကဝတ်ထား၍ ရသေ့များ ဝိတက်အကြံ မနောကံ ဒဏ်ခတ်သည့် အနေဖြင့် အမှတ်တရ မိမိကိုယ် ကို ဆုံးမခဲ့ကြရာမှ ယခုအခါ “ဥရုဝေလ ခေါ်သော သဲပုံ သဲသောင်ကုန်းကြီး ဖြစ်ထွန်းပေါ်ပေါက်နေခြင်း ဖြစ်သတည်း။ (အံ-ဋ္ဌ-၂၊ ၂၆၃-စတုက္က·ဥရုဝေလ သုတ်အဖွင့်။) ပြေးနေသောစိတ်ကို ကန့်သတ်ချက် ပေးထားသော မထေရ်ကြီး သုံးပါး ရှေးအခါက သီဟိုဠ်ကျွန်း တနေရာ၌ အတူဝါကပ်ကြသော မထေရ် သုံးပါးတို့သည် အကုသိုလ်ဝိတက်များ မဖြစ်စေရန်၊ မေတ္တာ ဘာဝနာစသော ကုသိုလ်ဝိတက်များသာ ဖြစ်စေရန် အထူးစောင့်ထိန်း၍ ကျင့်ကြံ တော်မူကြသည်။ ဝါဆိုဝါကပ်သောနေ့တွင် မထေရ်ကြီးက ကျန်နှစ်ပါးအား ဤသို့ အမိန့် ရှိလေသည်။ မထေရ်ကြီး ငါ့ရှင်တို့…၊ ဒိုများ ဒီဝါတွင်း သုံးလပတ်လုံး ကာမဝိတက်စတဲ့ အကုသိုလ် ဝိတက်များကို မကြံစည်မိအောင် စောင့်ထိန်း ကြရ မယ်။ (ဤသို့ ကတိကဝတ်ထားပြီး တဝါတွင်းလုံး ကျင့်ကြံကြရာ ဝါကျွတ်၍ ပဝါရဏာနေ့သို့ ရောက်လျှင် အငယ်ဆုံးမထေရ်အား) ကဲ …ငါ့ရှင်၊ဝါတော့ကျွတ်ပြီ။ ဒီဝါ တွင်းသုံးလ အတွင်းမှာ အဘယ်မျှလောက် ဝေးဝေး စိတ်ကို ထွက်သွားခွင့် ပေးခဲ့သလဲ။ -