## PAGE 547 ထိုအခါ ပံ့သုကူဆောင် အရှင် ယသမထေရ်က’ “အရှင်ဘုရား …၊ အရှင်ဘုရားပဲ စဉ်းစားကြည့်တော်မူပါ၊ ရဟန်းတို့ မည်သည် မာတုဂါမနှင့် အတူတကွ ခုတင်တခုထဲမှာ ထိုင်နေတယ်ဆိုတာ မဖြစ် သင့်ပါဘူးဘုရား။ အရှင်ဘုရားများ မျက်စိမှောက်သွားပြီး အထင်မှားတာပဲ ဖြစ်ပါလိမ့်မယ်ဘုရား”ဟု အကျိုးအကြောင်းအပြည့်အစုံပြောပြရာ မထေရ်ကြီး သည် ထိုအခါမှ ဝန်ချတောင်းပန်လိုက်လေသည်။ အရိယူပဝါဒ မဖြစ်အောင် စောင့်ရှောက်ပုံ ရဟန္တာ အရှင်မြတ်များသည် မိမိတို့အတွက် မသိမလိမ္မာသူများအား အပြစ်ဖြစ်သွားမည်ကိုလည်း လွန်စွာ ကြောင့်ကြ၍ စောင့်ရှောက်တော်မူကြမြဲ ဖြစ်လေသည်။ (မ-ဋ္ဌ-၂၊ ၂၈၃။ ဝီမံသကသုတ်အဖွင့်။ ဋီကာ အဆို အမိန့်နှင့် တကွ ပြဆိုချက်။ ဝိ-ဋ္ဌ-၂၊ ၂၁၅-အနိယတသိက္ခာပုဒ် အဖွင့်ကား “မလ္လာရာမ ကျောင်းနေခီဏာသဝထေရ်´ဟု မကျဉ်းမကျယ်လာ၏။) မြတ်စွာဘုရားရှင် လက်ထက် သာဝတ္ထိပြည်သား သူငယ်ချင်း ရဟန်း နှစ်ပါးရှိရာ တပါးက ဂန္ထဓုရဆောင်၍ ဂိုဏ်းကြီး ၁ဂ-ဂိုဏ်းကို စာပေသင်ကြား တရားဟောလျက်နေ၏။ တပါးကား ဝိပဿနာဓုရဆောင်၍ ပံ့သုကူ စသော ဓုတင်ဆောင်ကာ တော၌သွားလျက် တရားအားထုတ်ရာ ရဟန္တာဖြစ်တော်မူ၏။ 'နည်းခံကျင့်သော တပည့်များပင် များပြားလျက် ရှိသည်။ ၎င်းတောနေသူငယ်ချင်း ရဟန္တာပုဂ္ဂိုလ်ကြီး ဘုရားရှင်ထံတရားလျှောက် လာစဉ် စာပေမတတ်၍ အထင်သေးကာ စာဖြင့် နှိပ်စက်မည်ရှိစဉ် ဘုရားရှင် သိတော်မူ၍ ဂန္ထဓုရ ပုဂ္ဂိုလ်အား အရိယူပဝါဒကံကြီး မထိုက်စေရန် ဟန့်တား တော်မူခဲ့ရဖူးလေသည်။ (ဓမ္မ-ဋ္ဌ-၁၊ ၉၉-ဒေသဟာယကဘိက္ခုဝတ္ထု။) ယခုအခါ တရားရှုမှတ်နေသော ယောဂီများကလည်း မိမိကို အကြောင်း ပြု၍ မသိမလိမ္မာသူများ အပြစ်မရကြစေရန် အနေအထိုင်, အပြောအဆို သတိ ထားကြရာ၏။ အထူးသတိပြုဆင်ခြင်ကြရာ၏။ မိမိအပေါ်တဘက်သား အထင် ကြီးစေရန်ကို မဆိုထားဘိ၊ . ဟုတ်သလောက်ကိုပင် တဘက်သား မယုံကြည်နိုင် လောက်က မပြောသင့်။ ဟန်ဆောင်၍ပင် မနေသင့်။ နှစ်ဦးနှစ်ဝပင် အပြစ် မလွှတ်ချေ။ ## PAGE 548 သောတာပန်တို့၏ စိတ်ထားနှင့် ယုံကြည်ချက်ကိုပြသော မထေရ်တပါးနှင့် ဒကာတဦး ၅ ၀ ၅ သောတာပန်ဖြစ်သော မထေရ်တပါးသည် မဟာစေတီရင်ပြင်၌ အင်္ဂတေ သမံတလင်း ခင်းညှိရန် ပြုလုပ်နေချိန် မိမိလည်း ထိုအလုပ်ကို လုပ်မည်ဟူသော ရည်ရွယ်ချက်ဖြင့် လက်တဘက်က အင်္ဂတေပုံး၊ လက်တဘက်က သံလက်ကိုကိုင်၍ စေတီရင်ပြင်ပေါ်သို့ တက်လေ၏။ ထိုမထေရ်သည် ရင်ပြင်တနေရာ၌ အင်္ဂတေများ သံလက်ဖြင့် ညှိနေစဉ်. ကိုယ်တော်ဝ ဝကြီး တပါးသည်လည်း ဘုရားပေါ်တက်လာကာ ဝေယျာဝစ္စ လုပ်နေသော ထိုမထေရ်နားသို့ အကျိုးမရှိ၊ ပေါက်တကရစကားများကို မေးမြန်း လေ၏။ ပထမတွင် အလုပ်လုပ်နေသည့်ကြားက ထို ကိုယ်တော်ကြီးအား တဖက်က လက်ခံ၍ စကားပြောနေရသဖြင့် အလုပ်နှောင့်နှေးရလေ၏။ ထိုကိုယ်တော် ဝဝ ကြီးကား မဆုံးနိုင်အောင် စကားတပျစ်ပျစ် ပြောနေသဖြင့် အလုပ် မဖင့်နှေး စေရန်·ထိုမထေရ်သည် အခြားဘနေရာသို့ ပြောင်းရွှေ့ပြီး အလုပ်လုပ်၏။ ထို ကိုယ်တော်ဝဝကြီးလည်း နောက်က ထက်ကြပ်မကွာ လိုက်လေသည်။ သို့နှင့် နောက်ဘနေရာ ပြောင်းရပြန်၏။ ထိုကိုယ်တော်ကြီးလည်း ဆက်၍ လိုက်လာပြန်သည်။ လေးငါးနေရာ ပြောင်းရွှေ့၍ ပြောင်းရွှေ့၍ လုပ်ရရာ ကိုယ် တော်ကြီးနှင့် မလွတ်အောင်ရှိလေ၏။ သို့နှင့်’ ““ကိုယ်တော်မြတ်၊ စေတီယင်ပြင်ဟာ အကျယ်ကြီးပါ၊ သည့်ပြင်မှာ နေစရာများမရှိတော့ဘူးလား”ဟု ဖွင့်၍ ပြောလိုက်သော်လည်းမပြု၊ ခံပြင်းစိတ် လည်းမရှိ။ တခြားသို့လည်း ထွက်၍မသွားချေ။ (မ-ဋ္ဌ-၂၊ ၃၀၀-ကောသမ္မိယ သုတ် အဖွင့်။) အချိန်တန်ဖိုးသိသူများ လု၍လုပ်နေရသလောက် အဓိပ္ပာယ်မရှိ၊နမော်နမဲ့ ရီးတီးရားတား ပျင်းလောက်အောင် အချိန်တွေ ကုန်ခဲ့နေသူများလည်းရှိကြ လေ၏။ သောတာပန်၏ ယုံကြည်ချက်ကို ဖျက်၍မရ ရတနာသုံးတန် ကံကံ၏ အကျိုးအပေါ်၌ ကြည်ကြည်လင်လင် အမြင် ပြတ်သားနေပြီဖြစ်သော သောတာပန်၏ သဒ္ဓာတရားကိုပင်သော်မျှ ပြောင်းလဲ သွားအောင် မည်သည့်တန်ခိုးရှင်ကမျှ မတတ်နိုင်ချေ။ ' ## PAGE 549 တခါက သူရမ္မဋ္ဌခေါ်သော ဒကာသည် ဘုရားရှင်ထံမှ တရားနာရ၍ သောတာပန်ဖြစ်ပြီး အိမ်သို့ ပြန်အရောက်၊ မကြာခင်ပင် မာရ်နတ်က ဘုရားဟန် ဆောင်၍ အိမ်သို့လာ၏။ ဘုရားကြွလာတော်မူသည် ဆို၍ သူရမ္မဋ္ဌ စိတ်မရှင်းပဲ, ထွက်လာ ကန်တော့ရ၏။ မာရ်နတ်က- " .... “သူရမ္မဋ္ဌ…၊ စောစောက ငါဘုရား မစဉ်းစားမဆင်ခြင်မိပဲ ရုတ်တရက် ပြောလိုက်ရလို့ ရုပ်အနိစ္စ၊ ဝိညာဉ်အနိစ္စလို့ ပြောလိုက်မိတယ်။ ဒါကြောင့် ယခု ရုပ်နိစ္စ၊ ဝိညာဉ်နိစ္စလို့ပဲ ပြင်ပြီးမှတ်ယူလော့”ဟု လာပြောရာ မည်သို့မျှ ယုတ္တိမရှိ သဖြင့် “သင် မာရ်နတ်မဟုတ်လာ.”ဟု ကြားဖူးသော ဗဟုသုဘအရ လွှတ်ကနဲ မေးလိုက်ရာ အရိယာတို့၏ သဘာဝတန်ခိုးကြောင့် မလိမ်ရဲပဲ ဝန်ခံရလေ၏။ " အဘယ်အတွက် လာရကြောင်းကို မေးလျှင် သဒ္ဓာတရားကို ဖျက်ဆီးရန် လာကြောင်း မာရ်နတ်က ဝန်ခံ၍— “အို မာရ်နတ်ယုတ်….၊ ယခု သင်ဟာ တယောက်ထဲပဲ၊ သင့်လို မာရ်နတ် များ တရာ တထောင် လာဖျက်သော်လဲ ငါ့သဒ္ဓာတရားကို လှုပ်ချောက်ချားလို့ မရဘူး။ မဂ်ဉာဏ်ပညာနှင့်ရလာတဲ့ သဒ္ဓာတရားဆိုတာ ကျောက်သားမြေပေါ်မှာ အခိုင်အမာ ပေါက်လာတဲ့ မြင်းမိုရ်တောင်လိုပဲလို့ မှတ်ထားပါ။ သင် ဒီမှာ ဒီလို လာပြီး မရှုပ်ချင်နှင့်”ဟုလက်ဖြောက်တီး၍ ပြောလိုက်ရာ မာရ်နတ် ထွက်ခွာသွား လေ၏။ (မ-ဋ္ဌ-၂၊ ၂၈၇-ကောသမ္မိယသုတ်။ စကားစပ်၍ ‘သူရှမ္မဋ္ဌ’ အကြောင်း ထည့်လိုက်သည်။ အရိယာ သောတာပန်သည် သင်္ခါရတရားများကို နိစ္စ၊ သုခ၊ အတ္တဟု ယူဆရိုးထုံးစံ မရှိကြောင်း ဧကကအင်္ဂုတ္တရ။ ဝိဘင်္ဂပါဠိတို့၌ ဟောထား သည်။ သုပ္ပဗုဒ္ဓလူနူ၊ ဓနဉ္စာနီပုဏ္ဏေးမကြီးဝတ္ထု စသည်တို့ကိုလည်း ကြည့်ပါကုန်။) သောတာပန် ဓမ္မတာ ခုနစ်ပါး (မဟာပစ္စဝေက္ခဏာ ၇-ပါး) 0 မြတ်စွာဘုရားရှင်သည် ကောသမ္ဗု အဓိကရုဏ်းကြီးနှင့်စပ်၍ လိုက်နာသူ တိုင်း ပစ္စုပ္ပန်သံသရာ' ချမ်းသာရကြောင်း လိုရင်းပဓာန အကျဆုံးဖြစ်သော “သာရဏီယတရားခြောက်ပါးကို (မူလပဏ္ဏာသ-စူဠဂေါသိင်္ဂသုတ်၊ ဝိနည်း မဟာ ဝဂ္ဂ၊ ဆက္ကအင်္ဂုတ္တရနှင့် မူလပဏ္ဏသ ကောသမ္မိယသုတ်တို့၌) ဟောတော်မူထား၏။ (သာရဏီယ ကျင့်ဝတ်ကြောင့် သစ်ပင်ရှိလျှင် ဆွမ်းရှိသော မထေရ်များ ဤ စာအုပ်၌ ပြထားပြီး။) တဖန် အရိယာပုဂ္ဂိုလ်တို့၏ သဘောထားပုံ၊ နေထိုင် ပြုမူပုံများကိုလည် “သောတာပန် ဓမ္မတာခုနစ်ပါး”ဟု ကောသမ္မိယသုတ်၌ ဟောတော်မူထားသည်။